აჭარის საავტომობილო გზების დეპარტამეტის განცხადებით ხულოს მუნიციპალიტეტის სოფელ გელაძეებში „გადაუდებელი საჭიროებისათვის“ ალტერნატიული გზის აღდგენითი სამუშაოები მიმდინარეობს.
სოფელ გელაძეებთან მისასვლელი მთავარი გზა ერთი თვეა მეწყრის გამო დაზიანებული და ჩაკეტილია.
სოფელ გელეძეებში მიმავალი გზა / 22.02.2024 / ფოტო: გურამ მურვანიძე/„ბათუმელები“
ალტერნატიული გზა, დეპარტამენტის ინფორმაციით, სოფელ კორტოხიდან უკავშირდება გელაძეებს.
გელაძეებისკენ მიმავალი გზა / 22.02.2024 / ფოტო: გურამ მურვანიძე/„ბათუმელები“
„რამდენიმე ლოკაციაზე მეწყრული პროცესია, ამავდროულად სავალ ნაწილზე არის თოვლის საფარი. აქტიურად მიმდინარეობს გაწმენდითი სამუშაოები. რთული გეოგრაფიული პირობების მიუხედავად, დეპარტამენტი ცდილობს მალევე დასრულდეს გზის აღდგენითი სამუშაოები.“ – აცხადებს აჭარის გზების დეპარტამენტი.
დეპარტამენტისვე ინფორმაციით: „ერთი თვის წინ სოფელ გელაძეებში განვითარებული მეწყრული პროცესის შედეგად დაზიანდა საავტომობილო გზა. ამ ეტაპზე მეწყრული კერა არის აქტიური და ყოველდღიურ რეჟიმში ხორციელდება მისი მონიტორინგი შესაბამისი სპეციალისტების მიერ. შესაბამისად ჯერჯერობით გზის გაწმენდის და აღდგენითი სამუშაოები შეუძლებელია.“
ამავე თემაზე:
- სოფელ გელაძეებსა და პაქსაძეებში გზა გაიპო – მეწყერი ხულოში
- 22 ოჯახი სოფელ გელაძეებში 8 დღეა ჩამოშლილ მთებს შორის ცხოვრობს – გზა ჩაკეტილია
სოფელი გელაძეები / 22.02.2024 / ფოტო: გურამ მურვანიძე/„ბათუმელები“
