სიახლეები

ნარკოდანაშაულზე 270 პირი დავაკავეთ, 27 ნარკორეალიზატორი და დამდებები – შსს

23.02.2024 • 4249
ნარკოდანაშაულზე 270 პირი დავაკავეთ, 27 ნარკორეალიზატორი და დამდებები – შსს

საქართველოში ნარკოდანაშაულის ჩადენის ბრალდებით 270 პირი დააკავეს, მათ შორის, 27 ნარკორეალიზატორია. ეს ინფორმაცია შინაგან საქმეთა სამინისტროში დღეს, 23 თებერვალს, გაავრცელეს.

შსს-ს ინფორმაციით, 270 პირი ნარკოდანაშაულის ბრალდებით 2024 წლის დასაწყისიდან დღემდე პერიოდში დააკავეს.

„მიმდინარე წლის დასაწყისიდან შინაგან საქმეთა სამინისტროს და გენერალური პროკურატურის თანამშრომლების მიერ ქვეყნის მასშტაბით ინტენსიურ რეჟიმში ჩატარებული ოპერატიული ღონისძიებების და საგამოძიებო მოქმედებების შედეგად 270 პირია დაკავებული, აქედან 27 ნარკორეალიზატორი. დაკავებულ პირთა შორის არიან ნარკორეალიზატორები, რომლებიც ხელიდან ხელში გასაღების მეთოდით ახდენენ ნარკოტიკული საშუალებების რეალიზებას. გარდა ამისა, დაკავებულები არიან ე.წ. დამდებები, რომლებიც სხვადასხვა ლოკაციაზე დადების მეთოდით ასაღებდნენ ნარკოტიკულ საშუალებების,“ – განაცხადა შსს-ს კრიმინალური პოლიციის უფროსმა, თეიმურაზ კუპატაძემ.

დაკავებული არიან: საქართველოს, ირანის, თურქეთის, ერაყის, ბელარუსის, რუსეთის, ნიდერლანდების სამეფოს, სომხეთის მოქალაქეები. ბრალის დადასტურების შემთხვევაში მათ 20 წლამდე ან უვადოდ თავისუფლების აღკვეთა ელით.

გადაბეჭდვის წესი


ასევე: