რეკლამა,სიახლეები

როგორ მოვუაროთ კანს ზამთარში? – ინტერვიუ ექიმ-დერმატოლოგთან

22.01.2024 • 9256
როგორ მოვუაროთ კანს ზამთარში? – ინტერვიუ ექიმ-დერმატოლოგთან

ზამთრის სუსხთან ერთად სხვადასხვა დერმატოლოგიური პრობლემა იჩენს თავს, რისთვისაც კანის სათანადო დაცვაა საჭირო. ცივი სეზონისთვის დამახასიათებელ დერმატოლოგიურ პრობლემებსა და სახის კანის მოვლის თავისებურებების დეტალებზე ექიმ დერმატო-ვენეროლოგ, ნინო სანოძეს ვესაუბრეთ.

  • ნინო, რა გავლენას ახდენს ზამთრის მშრალი სუსხი ჩვენს კანზე ?

ზამთრის პერიოდში ხშირია სიმშრალით გამოწვეული კანის პრობლემები. ამის მიზეზი არის ტემპერატურის მკვეთრი განსხვავება გარე და შიდა საცხოვრებელ სივრცეებს შორის. გათბობის სისტემების გამო სახლში ტენიანობა მცირდება, რაც ამ პრობლემას კიდევ უფრო მეტად აღრმავებს. შედეგად, კანი ხდება მკვეთრად გამომშრალი და აქერცლილი. ეს იწვევს კანის ქავილს, გაწითლებასა და გაღიზიანებას.

  • რა არის ყველაზე გავრცელებული შეცდომები, რაც ამ დროს შეიძლება დავუშვათ კანის მოვლისას?

ძირითადი შეცდომაა არასწორად შერჩეული დასაბანი და დამატენიანებელი საშუალებები. მნიშვნელოვანია გვახსოვდეს, რომ საცხების გამოყენება რეკომენდებულია გარეთ გასვლამდე ნახევარი საათით ადრე, რათა შეგუება სითბოში მოხდეს. 

ტემპერატურის ვარდნასთან ერთად უფრო მეტად ხშირდება ძალიან ცხელი წყლით დაბანა, ეს კანის კიდევ უფრო მეტ გამოშრობას იწვევს. 

  • კანის რა დაავადებები აქტიურდება ზამთრის პერიოდში და როგორ შეიძლება მათი პრევენცია?

ამ პერიოდში ძირითადად აქტიურდება ქრონიკული, მორეციდივო, სიმშრალით მიმდინარე ისეთი დაავადებები, როგორებიცაა: ატოპიური დერმატიტი, კონტაქტური ალერგიული დერმატიტი, ფსორიაზი, იქთიოზი. 

პრევენციისთვის, ძირითად მკურნალობასთან ერთად, აუცილებელია კანის მუდმივი დატენიანება და ზემოთ აღნიშნული შეცდომების გათვალისწინება.

  • კონკრეტულად როგორ უნდა შეიცვალოს სახის კანის მოვლის რუტინა ცივ პერიოდში და რას ურჩევდით მათ, ვისაც ძალიან მშრალი კანი აქვთ? ასევე, საჭიროა თუ არა ზამთარში მზისგან დამცავი საშუალებების გამოყენება?

აუცილებლად უნდა განვასხვაოთ კრემები კანის ტიპის მიხედვით. დღის კრემი უნდა შეიცავდეს მზისგან დამცავ ელემენტს, რადგან მავნე გამოსხივება წლის ნებისმიერ პერიოდშია. მათთვის კი, ვინც მაღალმთიან კურორტებზეა, რეკომენდებულია მზისგან დამცავი მაღალი ფაქტორის მქონე საცხები (მინიმუმ SPF 50-იანი). 

ზაფხულისგან განსხვავებით, ზამთარში რეკომენდებულია უფრო ცხიმიანი საცხების გამოყენება. ასევე, ძალიან მშრალი კანისთვის მნიშვნელოვანია დამატენიანებელი საცხები გამოვიყენოთ დაბანისთანავე, ნახევრად ნოტიო კანზე, რათა არ მოხდეს კანში არსებული წყლის აქროლება.


„პსპ“-ში თავის მოვლის მრავალფეროვანი არჩევანია, როგორც საკვები დანამატების სახით, რაც სეზონური ვირუსებისგან გვიცავს, ასევე სახის კანისა და სხეულის მოვლის საშუალებების მიმართულებით. 

კომპანიის მარკეტინგის მენეჯერის, სალომე პატარაიას თქმით, საკვები დანამატების ფრანგული ბრენდი „პილეჟი“ გვთავაზობს სპეციალურ დანამატს, რომელიც გამოიყენება როგორც სამკურნალოდ, ისე პროფილაქტიკისთვის გაციებისა და ვირუსების დროს. 

„ესაა ფიტოსტანდარტი კვიპაროსი, რომელიც იმუნიტეტის ასამაღლებელი საუკეთესო საშუალებაა. მისი გამოყენება ხელს უწყობს, ნაკლებად შეგვხვდეს ვირუსი და თუ შეგვხვდა, მარტივად გადავიტანოთ“. 

რაც შეეხება სხეულის მოვლას: „პსპ“-ში წარმოდგენილია იტალიური ბრენდი – „თიოლოჯი“, რომელმაც ახლახან გამოუშვა თმის აღმდგენი ნიღაბი, ჩაის ინფუზიით, მცენარეული 6 ზეთითა და ჰიალურონის მჟავით. ის არ შეიცავს სულფატებსა და სილიკონს, შესაბამისად, უსაფრთხოა შეღებილი თმისთვის. მისი გამოყენება შეიძლება ორსულობისა და ლაქტაციის პერიოდში, რადგან სრულიად უსაფრთხოა ორგანიზმისთვის.

„პსპ“-ში ასევე წარმოდგენილია ფრანგული პრემიუმ ხარისხის ბრენდი „ესტედერმი“. ამ ბრენდს აქვს სახის კრემი სპირულინას ექსტრაქტით, რომელიც რეკომენდებულია სახის კანის მოვლისთვის ძლიერი სტრესისა და დაღლილობის ნიშნების მოსახსნელად, ასევე დიეტისა და ხანგრძლივად მზეზე ყოფნის შემდეგ. სპირულინა წყალმცენარეა, რომელიც კანისთვის სასიცოცხლო მნიშვნელობის 220 კომპონენტს შეიცავს. კრემი აჩქარებს რეგენერაციის პროცესს, კვებავს და აღადგენს სახის კანს. მატებს მას ახალგაზრდულ იერს. აუმჯობესებს ფერს.

განსაკუთრებით მშრალი კანის მოვლისთვის ფრანგული დერმატოლოგიური ბრენდის, ესვიარის პროდუქტები შეგიძლიათ გამოიყენოთ.

სალომე პატარაიას თქმით, ამ ბრენდის პროდუქტები მთელი ოჯახისთვისაა და მისი გამოყენება ჩვილობიდან შეიძლება, ესენია: დასაბანი, დამატენიანებელი და მზისგან დამცავი საშუალებები.

„მზისგან დამცავი საშუალება ნებისმიერ სეზონზე უნდა გვქონდეს თავის მოვლის რუტინაში, რადგან ის არა მხოლოდ მზის გამოსხივებისგან გვიცავს, არამედ სიცივისა და ყინვისგანაც. მისი გამოყენება განსაკუთრებით საჭიროა როგორც სახეზე, ისე ხელებსა და ტუჩებე, თუ ზამთრის კურორტს ვსტუმრობთ,“ – აღნიშნავს სალომე პატარაია. 

გარდა აქ ჩამოთვლილი ბრენდებისა, პსპ-ში როგორც პრემიუმ, ისე ბიუჯეტური ხაზის ასამდე სხვა ბრენდის პროდუქტია წარმოდგენილი. 

გადაბეჭდვის წესი


ასევე: