ბათუმის მერიის ინფორმაციით, ლეონიძის ქუჩის სარეაბილიტაციო სამუშაოების გამო სატრანსპორტო მოძრაობა იზღუდება ტაბიძის ქუჩიდან ხახულის ქუჩამდე მონაკვეთში.
შეზღუდვა შეეხება 1, 1ა, 4, 7, 8 და 11 ნომერ მუნიციპალურ ავტობუსებს, რომლებიც იმოძრავებენ შემდეგი სქემის მიხედვით:
- N1 და N8 – ლეონიძის, ტაბიძისა და აღმაშენებლის ქუჩების გავლით
- N1ა – აღმაშენებლის, ტაბიძისა და ლეონიძის ქუჩების გავლით
- N4, N7 და N11 – აღმაშენებლის ქუჩის გავლით
„ავტომობილების მოძრაობა შესაძლებელია პარალელური ქუჩებით. ცვლილებები სარეაბილიტაციო სამუშაოების დასრულებამდე შენარჩუნდება“ – აცხადებს ბათუმის მერია.
რა პერიოდით გადაიკეტა ქუჩა, „ბათუმელები“ მერიის საქალაქო ინფრასტრუქტურისა და კეთილმოწყობის სამსახურს დაუკავშირდა.
„აღნიშნული გზის მონაკვეთის ეტაპობრივი გახსნა ერთი თვის შემდეგ დაიწყება “ – გვითხრეს მერიის სამსახურში.
