მთავარი,სიახლეები

შარტავას გამზირზე სამუშაოების დასრულების ვადა და ფასი გაიზარდა | ფოტორეპორტაჟი

12.01.2024 • 2073
შარტავას გამზირზე სამუშაოების დასრულების ვადა და ფასი გაიზარდა | ფოტორეპორტაჟი

ბათუმში, ჟიული შარტავას გამზირზე მდებარე ხეივნისა და საფეხმავლო ხიდების მოწყობა 2024 წლამდე უნდა დასრულებულიყო, თუმცა ეს ვადა 2024 წლის 20 აპრილამდე გადაიწია. პარალელურად, 1,5 მილიონი ლარით გაიზარდა პროექტის ღირებულებაც.

სამუშაოები შარტავას გამზირზე საქართველოს მუნიციპალური განვითარების ფონდის დაკვეთით მიმდინარეობს. ფონდის ინფორმაციით პირველი ეტაპის სამუშაოები დასრულდა, რაშიც 7 315 132 ლარი დაიხარჯა

მეორე ეტაპის სამუშაოებზე კი, ხელშეკრულება 16,5 მილიონ ლარზე იყო გაფორმებული, თუმცა ეს თანხა 18 096 153 ლარამდე გაიზარდა.

შესაბამისად, გაიზარდა პროექტის საბოლოო ღირებულება და ამ დროისთვის შესყიდვების პორტალზე ატვირთული დოკუმენტების მიხედვით, სამუშაოებში ჯამში 25,4 მილიონი ლარი დაიხარჯება.

სამუშაოები სახელმწიფო ბიუჯეტიდან ფინანსდება სამთავრობო პროგრამის – „განვითარებული რეგიონები“ ფარგლებში.

ფოტოები შარტავას გამზირიდან, სადაც ხეივნის რეკონსტრუქცია და საფეხმავლო ხიდების მშენებლობა მიმდინარეობს

ბათუმი, ხეივანი შარტავას გამზირზე / 12.01.2024 / ხედი ფიროსმანის ქუჩიდან

ბათუმი, ხეივანი შარტავას გამზირზე / 12.01.2024 /ხედი ფიროსმანის ქუჩიდან

ბათუმი, ხეივანი შარტავას გამზირზე / 12.01.2024 /აბუსერიძის ქუჩაზე მდებარე რკინის თაღში გამავალი ეს ხიდი ერთმანეთთან შარტავას გამზირის ხეივნებს აკავშირებს /ხიდი ჯერ არ არის დასრულებული

ბათუმი, ხეივანი შარტავას გამზირზე /ხედი აბუსერიძის ქუჩიდან ბაგრატიონის ქუჩის მიმართულებით / 12.01.2024 /მარჯვნივ ბათუმის სტადიონი

ბათუმი, გმირთა ხეივანი შარტავას გამზირზე / 12.01.2024

ბათუმი, გმირთა ხეივანი შარტავას გამზირზე / 12.01.2024

ბათუმი, ხეივანი შარტავას გამზირზე / 12.01.2024 / ამ ადგილიდან [გმირთა ხეივანი] 2 საფეხმავლო ხიდი შერიფ ხიმშიაშვილის ქუჩაზე, არდაგანის ტბასთან გადადის

ბათუმი, ხეივანი შარტავას გამზირზე / 12.01.2024 / აქ ერთი ხიდის კონსტრუქცია უკვე დამონტაჟებულია

შარტავას გამზირზე სამუშაოების დასაწყებად ხეივნების ნაწილი 2021 წლის აგვისტოში შემოღობეს.

სამუშაოებს აქ ფაქტობრივად 2 კომპანია ასრულებს: „საბა კონსტრაქშენი“ და ამხანაგობა „მეგობრობის ხიდი“ [ამ ამხანაგობაში შედიან: შპს „საბა კონსტრაქშენი“ და შპს Georgian Bridge Company].

2024 წლის 12 იანვრის მდგომარეობით ორთავე კომპანიისთვის ბიუჯეტიდან უკვე გადარიცხულია ჯამში 22 923 467 ლარი.

„ყინულის შადრევანი“ [მარჯვნივ] და მის ადგილზე მშენებარე კონსტრუქცია შარტავსა გამზირზე ბათუმში. ეს კონსტრუქცია მშენებარე საფეხმავლო ხიდებს შორისაა

ხეივნის რეაბილიტაციას საბოლოოდ შეეწირა „ყინულის შადრევანი“, რომელიც ბოლო რამდენიმე წლებია ამორტიზებული იყო, თუმცა, ქალაქის მერიამ არც რეკონსტრუქცია მოახდინა მისი და არც დემონტაჟი.

„ყინულის შადრევნის“ ადგილზე დღეს ახალ კონსტრუქციას ამონტაჟებენ, თუმცა რას, ან რომელი პროექტის ფარგლებში? – ამ კითხვაზე პასუხს ბათუმის მერიიდან მიღების შემთხვევაში აქვე მოგაწვდით.

გარკვეული დეტალების დაზუსტება „ბათუმელებმა“ დღეს მუნიციპალური განვითარების ფონდსა და ტენდერში გამარჯვებულ კომპანიებთანაც სცადა, თუმცა ჩვენს ზარებს აქ არ უპასუხეს.

ამ თემაზე:

რატომ შემოღობეს ბათუმში გმირთა ხეივანი

გადაბეჭდვის წესი


ასევე: