მთავარი,მთიანი აჭარა,სიახლეები

ბეტონი და კაუჩუკი ბულვარის გამწვანებულ ზოლში – რაში დაიხარჯება ნახევარი მილიონი

10.01.2024 •
ბეტონი და კაუჩუკი ბულვარის გამწვანებულ ზოლში – რაში დაიხარჯება ნახევარი მილიონი

ბათუმის ბულვარის ადმინისტრაცია ახალი ბულვარის ტერიტორიაზე, გამწვანებულ ზოლში საბავშვო კუთხის მოწყობას გეგმავს. სამუშაოებისთვის 499 ათასი ლარია გათვალისწინებული.

პროექტის მიხედვით, ტერიტორიაზე გამოყენებული იქნება რკინა-ბეტონის ფილები, ბეტონის საძირკვლები, კაუჩუკის ბორდიურები და ასევე „კაუჩუკის მასიური/მონოლითური ფენილი“.

მთლიანობაში დღეს არსებულ გამწვანებულ ზოლში ჯამში 462 კვადრატული მეტრი ტერიტორია კაუჩუკის საფარიანი რკინაბეტონის ფილით დაიფარება.

პროექტით ასევე დაგეგმილია რამდენიმე ხის გადარგვა, ვინაიდან ტერიტორიაზე დაგეგმილია სხვადასხვა ატრაქციონისა და ინვენტარის განთავსება, ასევე ააშენებენ საპირფარეშოს, რომელიც იქნება ადაპტირებული.

არსებული სიტუაცია / ფოტო პროექტიდან

ტერიტორია, სადაც ახალი საბავშვო კუთხის მოწყობაა დაგეგმილი, ახალ ბულვარში სასტუმრო მარინას პირდაპირ მდებარეობს – სასეირნო და ველო ბილიკებს შორის.

საპროექტო ტერიტორია [მონიშნულია წითელი ხაზით] ახალ ბულვარში, სადაც საბავშვო კუთხის მოწყობაა დაგეგმილი

საბავშვო კუთხის მოსაწყობად ბულვარის ადმინისტრაციამ ტენდერი 499 ათას 575 ლარით გამოაცხადა.

წინადადებების მიღება 2024 წლის 26 იანვარს დაიწყება და 31 იანვარს დასრულდება.

საპირფარეშოს შენობა ახალ საბავშვო კუთხეში / ფოტომონტაჟი პროექტიდან

ტენდერის პირობის მიხედვით, „ახალი საბავშვო კუთხის მოწყობის სამუშაოები მიმწოდებელმა ეტაპობრივად უნდა შეასრულოს ხელშეკრულების გაფორმებიდან 120 დღის ვადაში.

პროექტით, საბავშვო კუთხეში ლურჯი და ყვითელი ფერის კაუჩუკის საფარის მოწყობაა დაგეგმილი:

კაუჩუკის საფარი ახალ საბავშვო კუთხეში / რენდერები ტენდერიდან

ამავე თემაზე:

https://batumelebi.netgazeti.ge/news/511330/

გადაბეჭდვის წესი


ასევე: