Batumelebi | რას ედავებიან გიორგი პაპუაშვილს – აქცია საკონსტიტუციო სასამართლოსთან რას ედავებიან გიორგი პაპუაშვილს – აქცია საკონსტიტუციო სასამართლოსთან – Batumelebi
RU | GE  

რას ედავებიან გიორგი პაპუაშვილს – აქცია საკონსტიტუციო სასამართლოსთან

როლანდ ბლადაძის ოჯახის წევრებმა და ნათესავებმა საკონსტიტუციო სასამართლოსთან მორიგი საპროტესტო აქცია გამართეს. ისინი გიორგი პაპუაშვილის სამოსამართლეო უფლებამოსილების შეჩერებას მოითხოვენ. როლანდ ბლადაძეს საცხოვრებელი ბინა გორგილაძის ქუჩაზე 2005 წელს ჩამოართვეს და იგი პრეზიდენტმა მიხეილ სააკაშვილმა 2007 წელს გადასცა სიმბოლურ ფასად – 1000 ლარად გიორგი პაპუაშვილს, საკონსტიტუციო სასამართლოს თავმჯდომარეს.

აქციის წევრების შეფასებით, გიორგი პაპუაშვილმა ჩაიდინა მოსამართლისთვის შეუფერებელი საქციელი, როცა ის უკანონიდ ჩამორთმეულ ბინაში გადავიდა საცხოვრებლად.

„მოვითხოვთ, რომ პაპუაშვილმა არ მოახდინოს გავლენა საქმის განმხილველ მოსამართლეზე [თბილისის საქალაქო სასამართლოში]. გიორგი პაპუაშვილი არ რეაგირებს ეკონომიკის და მდგრადი განვითარების სამინისტროსთან მასთან სადავო ქონების ირგვლივ წინადადების განხილვაზე. სასამართლომ სახელმწიფოს გიორგი პაპუაშვილთან მორიგებაზე დრო 8 ივლისამდე განუსაზღვრა. ის ცდილობს განუსაზღვრელი ვადით გაჭიანურდეს ეს პროცესი“  – უთხრა არჩილ კაიკაციშვილმა „ბათუმელებს“. ის როლანდ ბლადაძის ადვოკატია.

ამბობს თუ არა უარს მორიგებაზე გიორგი პაპუაშვილი, – საკონსტიტუციო სასამართლოს თავმჯდომარემ დღეს ამ თემაზე მედიასთან კომენტარი არ გააკეთა. 24 მარტს გიორგი პაპუაშვილმა “ბათუმელებს” უთხრა, რომ ბინა მან მიიღო, როგორც მოსამართლემ და თუ საკუთრების უფლება დაირღვა, ამაზე ბლადაძემ უშუალოდ სახელმწიფოს უნდა ედავოს და არა მას.

ნეტგაზეთის მასალების სხვა გამოცემებში გადაბეჭდვის წესი
ავტორი