„ვაშინგტონ პოსტის“ თანახმად, ბოლო 7 წლის განმავლობაში ბუდანოვის ლიკვიდაცია რუსეთმა 10-ჯერ მაინც სცადა. მისი მოკვლა პირველად 2016 წლის აგვისტოში სცადეს, როდესაც დროებით ოკუპირებულ ყირიმში ФСБ-ს პოლკოვნიკი მოკლეს.
უკრაინული გამოცემა „უკრაინსკა პრავდა“ წყაროებზე დაყრდნობით წერს, რომ უკრაინის დაზვერვის მთავარი სამმართველოს უფროსის, კირილო ბუდანოვის ცოლი, მარიანა, მძიმე მეტალებით მოწამლეს. გამოცემის წყაროების ცნობით, ქალი ცოცხალია და მკურნალობის პირველი ეტაპი დაასრულა.
„უკრაინსკა პრავდა“ წერს, რომ წყაროების თანახმად, ბუდანოვის ცოლი, სავარაუდოდ, საკვებით მოწამლეს.
„რადგან ბუდანოვის ცოლი გამხდარია, მასთან ეს უფრო სწრაფად გამოვლინდა. მოწამვლა კიდევ რამდენიმე თანამშრომელს დაუდასტურდა, უბრალოდ, რადგან ისინი უფრო დიდი წონის არიან, ჯერ ვერ შენიშნეს მოწამვლის ნიშნები. მათაც მკურნალობენ“ – ციტირებს „უკრაინსკა პრავდა“ წყაროს.
