ბათუმში, ლერმონტოვის ქუჩაზე, დაახლოებით ღამის 11 საათზე საცხოვრებელ ბინაში ხანძარი გაჩნდა.
როგორც „ბათუმელებს“ ადგილზე გვითხრეს, ბინაში მხოლოდ ერთი ადამიანი იმყოფებოდა. ადგილზე გვითხრეს ისიც, რომ მოქალაქე უკვე გადაყვანილია საავადმყოფოში. ის მეზობელმა გამოიყვანა ბინიდან და მანვე გამოიძახა სასწრაფო დახმარება.
მეზობლების თქმით, სავარაუდოდ, მას მძიმე დამწვრობა არ მიუღია.
ხანძარი ლიკვიდირებულია.
