უკრაინის პრეზიდენტის ადმინისტრაციის ხელმძღვანელი, ანდრეი ერმაკი ამბობს, რომ რუსეთთან ომის შემდეგი წელი გადამწყვეტი იქნება.
„ახლოვდება გარდამტეხი მომენტი ომში. შემდეგი წელი იქნება გადამწყვეტი“, – აცხადებს ერმაკი, რომელსაც უკრაინული მედია ქვეყანაში ერთ-ერთ ყველაზე გავლენიან პირად მიიჩნევს.
როგორც ერმაკი ამბობს, უკრაინის კონტრიერიში გრძელდება, ხოლო პრეზიდენტმა ზელენსკიმ იცის, გამარჯვებას როგორ მიაღწიოს. დასავლელ პარტნიორებს ერმაკი მოუწოდებს, დამატებითი სანქციები დაუწესონ რუსეთს, უკრაინას კი მეტი შეიარაღება მიაწოდონ.
ფრონტზე ამჟამინდელ ვითარებაზე ამერიკელ კოლეგას ესაუბრა უკრაინის შეიარაღებული ძალების მთავარსარდალი ვალერი ზალუჟნი. მან აღნიშნა, რომ ავდიივკას, კუპიანსკის და მარინკას მიმართულებებზე რთული, თუმცა კონტროლირებადი სიტუაციაა.
ზალუჟნიმ ცოტა ხნის წინ „ეკონომისტში“ გამოქვეყნებულ სტატიაში დაწერა, რომ ომი ამჟამად ჩიხშია შესული და სერიოზული წინსვლისთვის არც ერთ მხარეს საკმარისი რესურსები და შესაძლებლობა აქვს.
ამავე თემაზე:
