სამედიცინო სფერო ბაჩო გიგინეიშვილის ოჯახის ტრადიციაა, სწორედ ამიტომ გადაწყვიტა ფარმაცევტი გამხდარიყო და უკვე 8 წელია ხალხს საკუთარი ცოდნითა და გამოცდილებით ეხმარება. ბაჩოს აბაშაში, თავისუფლების N56-ში მდებარე პსპ-ს აფთიაქში შევხვდით და ფარმაცევტის პროფესიაზე ვესაუბრეთ.
ბაჩო, მოგვიყევით თქვენ შესახებ. ვინ ხართ და რა განათლება გაქვთ ?
მე ვარ ბაჩო გიგინეიშვილი. პსპ-ს აფთიაქის მენეჯერი. დამთავრებული მაქვს საქართველოს ტექნიკური უნივერსიტეტი ფარმაციის მიმართულებით.
როგორ მოხვდით პსპ-ში და რამდენი წელია, რაც აქ მუშაობთ? ამჟამად თქვენი საქმე რა არის?
პსპ-ში მოვედი 2016 წელს. გავიარე ყველა საფეხური, თავიდან სტაჟიორი ვიყავი, დღეს კი აფთიაქის მენეჯერი ვარ. ვმუშაობდი პსპ-ს წარმატებულ აფთიაქებში თბილისში, ქუთაისში, გუდაურში, ხობში, სამტრედიაში და ამჟამად აბაშაში ვარ.
ფარმაცია ჩვენი ოჯახის ტრადიციაა. უკვე ოთხი თაობაა, რაც გვარში ექიმები და ფარმაცევტები გვყავს. სწორედ ამიტომ გადავწყვიტე გავმხდარიყავი ფარმაცევტი და დიდი სურვილი მქონდა ამ მხრივ საუკეთესო კომპანიაში მოვხვედრილიყავი. ბედმა გამიღიმა და უკვე მერვე წელია ამ დიდი და წარმატებული ოჯახის წევრი ვარ.
რამდენად მნიშვნელოვანია ფარმაცევტის კომპეტენცია?
ფარმაცევტის კომპეტენცია განსაკუთრებით მნიშვნელოვანია, ჩვენ ვართ ბოლო რგოლი ექიმსა და პაციენტს შორის. იყო ხალხის სამსახურში, უდიდესი პასუხისმგებლობაა, მადლიერი მომხმარებელი არის სწორედ ის მუხტი, რომელიც მაძლევს დიდ სტიმულს და ენერგიას. მსიამოვნებს, რომ ჩემი ცოდნით მომხმარებლის ნდობას ვიმსახურებ და პსპ-ს იმ აფთიაქებში, რომლებშიც მიმუშავია, უამრავ ადამიანს დავხმარებივართ.
ასეთ დროს კომპეტენცია სასიცოცხლოდ მნიშვნელოვანია, რადგან ცოდნის გარეშე შეიძლება სავალალო შედეგები მივიღოთ.
რას ნიშნავს თქვენთვის პსპ?
პსპ ჩემთვის არის დიდი ოჯახი და დიდი იმედი.
რა არის მთავარი ფარმაცევტისა და მომხმარებლების ურთიერთობაში?
ფარმაცევტისა და მომხმარებლის ურთიერთობაში მთავარია ნდობა. ნდობის ჩამოყალიბებას დრო სჭირდება. როცა მომხმარებელი შემოდის და ხედავს მცოდნე ფარმაცევტს, რომელიც მას სათანადო მომსახურებას უწევს და არაფერი ეშლება, იწყება ნდობის ჩამოყალიბება.
რატომ უნდა აირჩიოს მომხმარებელმა პსპ?
პსპ-ში მრავალფეროვანი არჩევანია, როგორც დიდებისთვის, ასევე პატარებისთვის. ყველას შეუძლია მისთვის სასურველი პროდუქტის მოძიება ხელმისაწვდომ ფასად. ასევე, ყოველთვიურად მრავალფეროვანი აქციები გვაქვს, მომხმარებლებს კი მაღალკვალიფიციური ფარმაცევტები და კონსულტანტები ემსახურებიან, რომელთათვის მთავარი ადამიანების კმაყოფილება და ჯანმრთელობაა.
