თაღლითობის მუხლით თბილისში ორი მაკლერი გასაამართლეს. მათ 7 და 8 წლით თავისუფლების აღკვეთა მიუსაჯეს.
საქართველოს პროკურატურის ინფორმაციით, მაკლერებმა 36 პირი მოატყუეს და ჯამში მილიონზე მეტ ლარს დაეუფლნენ.
„სასამართლო პროცესზე გამოკვლეული მტკიცებულებებით დადასტურდა, რომ ბრალდებულები დაზარალებულებს ეცნობოდნენ როგორც მაკლერები და კონკრეტული თანხების სანაცვლოდ თბილისში მდებარე ბინების დაგირავებას სთავაზობდნენ.
ისინი დაზარალებულებს წინასწარ აჩვენებდნენ ბინებს, შემდგომ კი ორგანიზებული ჯგუფის დანარჩენ წევრებს, როგორც ბინის მესაკუთრედ, მესაკუთრის მინდობილ პირად ან ბინის მეიჯარედ აცნობდნენ და მათთან მოტყუებით სესხის ხელშეკრულებებს ადებინებდნენ,“ – აღნიშნულია პროკურატურის მიერ გავრცელებულ ინფორმაციაში.
პროკურატურის ინფორმაციით, თაღლითური ორგანიზებული ჯგუფის სხვა წევრების მიმართ სასამართლო განხილვა გრძელდება.
