ბათუმის საავტორო კინოს საერთაშორისო ფესტივალზე კინოში შეტანილი წვლილისთვის სამი ქართველი ხელოვანი დააჯილდოვეს.
“ბიაფი, კინოში შეტანილი წვლილისთვის ყოველწლიურად აჯილდოებს ხელოვანებს. წელს გადავწყვიტეთ მსახიობებიდან დაგვეჯილდოებია ზურა ყიფშიძე.
ასევე Რევაზ მახათაძე, რომელიც კინომატიანეს არქივს კურირებს უკვე ათწლეულებია და გარკვეული წვლილი მიუძღვის ისტორიის შენარჩუნებაში.
BIAFF-ი ფესტივალის სპეციალურ პრიზს გადასცემს გიული ჩოხელს. ჩვენ გვინდოდა აღგვენიშნა გიული ჩოხელის წვლილი, როგორც ჯაზის ერთ-ერთი ყველაზე გამორჩეული და ლეგენდარული შემსრულებელი ქართველი ქალის,” – უთხრა ფესტივალის ორგანიზატორმა ზვიად ელიზიანმა “ბათუმელებს”.
BIAFF-ი, საავტორო კინოს საერთაშორისო ფესტივალი ბათუმში 17 სექტემბერს გაიხსნა და დღეს, 24 სექტემბერს დასრულდა.
ერთი კვირის განმავლობაში ბათუმში ათობით ახალი, მხატვრული და და დოკუმენტური ფილმის ნახვა იყო შესაძლებელი.
