ბათუმის შოთა რუსთაველის სახელმწიფო უნივერსიტეტში ახალი სასწავლო წელი 2023 წლის 2 ოქტომბერს დაიწყება.
ინფორმაციას ამის შესახებ უნივერსიტეტი აქვეყნებს.
ბსუ-ს ცნობით, სწავლა 2 ოქტომბერს დაიწყება სამივე საფეხურზე: ბაკალავრიატი, მაგისტრატურა, დოქტორანტურა.
2023-2024 სასწავლო წელს ბსუ-ს 1583 პირველკურსელი ჰყავს. უნივერსიტეტის ცნობით, საბაკალავრო პროგრამების შევსების მაჩვენებელი თითქმის 100%-ს შეადგენს.
წელს აბიტურიენტების პირველი განაცხადების რაოდენობისა და გამოცხადებული კონტინგენტის მიხედვით, ბსუ-ს საბაკალავრო პროგრამების პირველი სამეული ასე გამოიყურება: ფსიქოლოგია, კომპიუტერული მეცნიერება, ინგლისური ფილოლოგია.
ბათუმის შოთა რუსთაველის უნივერსიტეტში, სამივე საფეხურზე, ჯამში 7 000-მდე სტუდენტი სწავლობს.
