USAID მიზნად ისახავს საქართველოში ეკონომიკური მმართველობის გაუმჯობესებას და ხელს უწყობს კონსტრუქციული ეკონომიკური რეფორმების განხორციელებას.
ლია ფუტკარაძე არასამთავრობო ორგანიზაციის „საორსას“ დამფუძნებელი და აღმასრულებელი საბჭოს დირექტორია.
„საორსა“ შოტლანდიური წარმოშობის ტერმინია, რომელიც თავისუფლებასა და თავისუფალ არჩევანს ნიშნავს. ორგანიზაცია პროფესიულ კონსულტაციას უწევს ზოგადსაგანმანათლებლო, უმაღლესი და პროფესიული სასწავლებლის სტუდენტებს და მათ შორის ქალებს, პროფესიული ორიენტაციის და კარიერული დაგეგმარების მიმართულებითდა და დასაქმებისა და თვით-დასაქმებისათვის საჭირო უნარებისა და შესაძლებლობების განვითარების კუთხით. ორგანიზაციას ჯერ-ჯერობით 634 კურსდამთავრებული ჰყავს.
ლია ფუტკარაძე
USAID-ის მხარდაჭერით ორგანიზაცია ხელს უწყობს ქალებს ჩაერთონ სოციალურ მეწარმეობაში, მონაწილეობა მიიღონ თემის განვითარებისა და პოლიტიკის დიალოგის ხელშეწყობაში აჭარის რეგიონში – „ჩვენთვის USAID-თან თანამშრომლობა არამხოლოდ პროექტის ფარგლებში დასახული მიზნების მიღწევას, არამედ საზოგადოების ინტერესების შესაბამისად მოქმედებას გულისხმობდა. შევძელით ფონდების მოძიების კუთხით ახალი საშუალებები გამოგვენახა, სტრატეგიული კომუნიკაციები დაგვეგეგმა და ჯანსაღი მმართველობის პოლიტიკა გაგვეძლიერებინა“ – ამბობს ლია.
USAID-ის დახმარებით „საორსამ“ განავითარა საკუთარი ორგანიზაციული შესაძლებლობები და ჩამოაყალიბა საზოგადოებრივი განვითარების მენეჯერებისა და ოფიცრების პოზიციები, რომლებიც აჭარის რეგიონში თემის ჩართულობისა და ინფორმაციის მიწოდების კუთხით მუშაობენ – „სწორედ აღნიშნული თანამშრომლობის ფარგლებში შევქმენით ახალი პროფესიული მიმართულება, რომელიც მაგალითია რეგიონში მოქმედი სხვა ორგანიზაციებისთვის თუ როგორ შეიძლება სისტემური და უწყვეტი ხასიათი მიეცეს ინფორმაციის მიწოდებასა და ადგილობრივი მოსახლეობის მხარდაჭერას“ – ამბობს ლია.
„ჩვენთვის, „საორსასთვის“ ნამდვილი მეგობრობა ნიშნავს უპირობო ზრუნვას, მხარდაჭერას, შთაგონებას, გაძლიერებას, უფლებების პატივისცემასა და თანასწორობას. USAID ასეთივე ორგანიზაციაა, რომელიც გვასწავლის და გვიბიძგებს მხარდაჭერისა და უკეთესი გარემოს შექმნისკენ“.
