იმედა ენდელაძის დიაგნოზი თავის ტვინის კავერნოზული ჰემანგიომაა. ეს იმას ნიშნავს, რომ შუბლის მარცხენა მხარეს, თავის ტვინში მრავალი ჰემანგიომა აქვს სასიცოცხლოდ მნიშვნელოვან უბნებში. საფრანგეთში, ბორდოს სახელმწიფო კლინიკაში იმედას უთხრეს, რომ ქირურგიული ჩარევა შეუძლებელია, რადგან ვერ გადარჩება.
თუმცა ამავე კლინიკაში უთხრეს, რომ 90% აქვს გამოჯანმრთელების შანსი 2-წლიანი ინტენსიური მკურნალობით, რაც საფრანგეთში შესაძლებელია, თუ ქვეყანას ლტოლვილად ჩაბარდება.
ლტოლვილის სტატუსის მიღებამდე იმედამ საფრანგეთში სულ მცირე 3, 4 თვე უნდა შეძლოს დამოუკიდებლად ბინის დაქირავება და თავის რჩენა, რისი საშუალებაც მას არ ჰქონდა. ბინის დაქირავება საფრანგეთის ქალაქებში საშუალოდ 1000 ევრო ღირს ყოველთვიურად, ამას ემატება კვებისა და გადაადგილების ხარჯი, რაც ჯამში, სულ მცირე, 1500 ევროა ყოველთვიურად.
3, 5 თვე რომ შეძლოს იმედამ საფრანგეთში ცხოვრება დამოუკიდებლად, ლტოლვილის სტატუსის მიღებამდე სულ მცირე 5000 ევრო სჭირდება.
იმედა ენდელაძის შესახებ „ბათუმელებმა” სტატია 7 ივლისს მოამზადა. გამოცემის მკითხველებმა სტატიის გამოქვეყნების შემდეგ იმედას ანგარიშზე ჯამში 15 ათას ლარზე მეტი გადარიცხეს.
„არ ველოდი ეს თანხა თუ შეგროვდებოდა. მადლობა ყველას, ვინც გულისხმიერება გამოიჩინა და თუნდაც 1 ლარი ჩარიცხა ჩემ ანგარიშზე. უზარმაზარი იმედი მომეცა, ყველაფერს დავძლევ და გადავლახავ“, – ამბობს იმედა ენდელაძე.
იმედამ უკვე შეიძინა საფრანგეთში გასამგზავრებლად თვითმფრინავის ბილეთი. ის აგვისტოში აპირებს წასვლას
