ხელვაჩაურში, მახოს ხიდთან ახლოს, ბათუმი-ახალციხის გზაზე ორი მსუბუქი ავტომანქანა ერთმანეთს შეეჯახა. ავტოსაგზაო შემთხვევა დღეს, 30 ივლისს მოხდა.
„ბათუმელების“ ინფორმაციით, ავარიის შედეგად რამდენიმე ადამიანი დაშავდა, მათ შორის, არასრულწლოვანები. დაშავებულები კლინიკაში გადაიყვანეს.
სასწრაფო-სამედიცინო სამსახურის ინფორმაციით, კლინიკაში სულ 9 პირი გადაიყვანეს, მათ შორის, 4 ბავშვია.
ადგილზე მუშაობენ სამართალდამცველები.
