მთავარი,სიახლეები

ბუდანოვი არც დაჭრილია და არც მკვდარი – უკრაინამ რუსული მედიის „ფეიკი“ გააცამტვერა 

20.06.2023 • 2767
ბუდანოვი არც დაჭრილია და არც მკვდარი – უკრაინამ რუსული მედიის „ფეიკი“ გააცამტვერა 

ბოლო დღეებია რუსულ მედიაში ვრცელდებოდა ცნობები იმის შესახებ, რომ უკრაინის სამხედრო დაზვერვის მთავარი სამმართველოს ხელმძღვანელი, კირილო ბუდანოვი მძიმედ დაიჭრა ან დაიღუპა რუსული სარაკეტო თავდასხმის დროს.

ბუდანოვი დღეს უკრაინული ტელევიზიის ეთერშიც გამოჩნდა, სადაც, სხვა საკითხებთან ერთად, მასზე გავრცელებულ ყალბ ინფორმაციაზეც გააკეთა კომენტარი.

„სასაცილოდ მეჩვენება და იგივე რეაქცია მაქვს. მაგრამ ეს დაუმუშავებელი „ფეიკია“. ის ხალხი, ვინც ეს გააკეთა, ხვდებოდა, რომ კარგად ვიყავი, ნათლად ესმოდათ, რომ „ფეიკი“ გაცამტვერდებოდა და თავს სულელებად წარმოაჩენდნენ“, – თქვა ბუდანოვმა.

მან ასევე იხუმრა, რომ ახლა უკრაინაში „უკვდავი მეთაურების“ რაზმი იქმნება.

„ახლა უკრაინაში იქმნება უკვდავი მეთაურების სპეციალური რაზმი – ვალერი ზალუჟნი, მე, სტეპან ბანდერა, სიმონ პეტლიურა, ივან მაზეპა, ამიტომ რუსებს ჯერ კიდევ ბევრი სამუშაო ექნებათ ნერვულ, ისტერიულ გარემოში. უკვდავი რაზმი ღამით, სიზმრებში, კოშმარებში მივა რუსებთან, რომლებსაც სურდათ უკრაინის ხელში ჩაგდება“, – განაცხადა ბუდანოვმა 19 ივნისს „კიევი პოსტთან“.

სტეპან ბანდერა [1909 – 1959 წ.წ.], სიმონ პეტლიურა [1879 – 1926 წ.წ.] და ივან მაზეპა [1644-1709 წ.წ.] უკრაინის ისტორიაში ცნობილი ფიგურები არიან. სამივე მათგანს აერთიანებს ის, რომ იბრძოდნენ რუსეთის წინააღმდეგ სხვადასხვა ეპოქაში.

„ვაშინგტონ პოსტის“ თანახმად, ბოლო 7 წლის განმავლობაში ბუდანოვის ლიკვიდაცია რუსეთმა 10-ჯერ მაინც სცადა. მისი მოკვლა პირველად 2016 წლის აგვისტოში სცადეს, როდესაც დროებით ოკუპირებულ ყირიმში ФСБ-ს პოლკოვნიკი მოკლეს.

ამავე თემაზე: 

ნაღმის ნამსხვრევი გულთან მომხვდა: ბუდანოვმა მძიმედ დაჭრაზე პირველად ისაუბრა

გადაბეჭდვის წესი


ასევე: