მთავარი,სიახლეები

უკრაინა ფრონტზე წინ მიიწევს ორი მიმართულებით – გენშტაბი

20.06.2023 • 2631
უკრაინა ფრონტზე წინ მიიწევს ორი მიმართულებით – გენშტაბი

უკრაინის თავდაცვის ძალები აგრძელებენ წინსვლას მელიტოპოლისა და ბერდიანსკის მიმართულებით და კონსოლიდაციას ახალ ადგილებში, სადაც უკრაინის შეიარაღებული ძალები არიან, არც ერთი პოზიცია არ იკარგება – წერს უკრაინის შეიარაღებული ძალების გენერალური შტაბი ფეისბუქზე დღეს, 20 ივნისს.

უკრაინის შეიარაღებული ძალების გენერალური შტაბის სპიკერის ანდრეი კოვალიოვის თქმით, შეტევითი ოპერაციები გრძელდება მელიტოპოლისა და ბერდიანსკის მიმართულებით. გასული დღის განმავლობაში ნოვოდაროვკა – პრიუტნოიეს, მაკაროვკა – რივნოპოლისა და ნოვოდანილოვკა- რობოტინოს მიმართულებით უკრაინელმა სამხედროებმა მიაღწიეს ნაწილობრივ წარმატებას, ისინი მაგრდებიან მიღწეულ ადგილებზე.

კოვალიოვის თქმით, რუსეთი ძირითად ძალისხმევას თავდაცვასა და უკრაინის ჯარების წინსვლის აღკვეთაზე მიმართავს და რეზერვების გამოყენებით ცდილობს დაკარგული პოზიციის აღდგენას.

ასევე, უკრაინის გენერალური შტაბი აღნიშნავს, რომ რუსეთის შეიარაღებული ძალები აგრძელებენ ძირითადი ძალისხმევის კონცენტრირებას ლიმანსკის, ბახმუტის, ავდეევკისა და მარინსკის მიმართულებებზე, სადაც მძიმე ბრძოლები გრძელდება და დღე-ღამეში 45 სამხედრო შეტაკება მოხდა.

_________________

ფოტო: უკრაინის გენშტაბი/facebook

გადაბეჭდვის წესი


ასევე: