პროკურატურის მონაცემებით, 2023 წლის იანვარში, თებერვალში, მარტსა და აპრილში 31 მოზარდია ცნობილი დაზარალებულად სისხლის სამართლის კოდექსის 140-ე მუხლის საფუძველზე. ეს მუხლი გულისხმობს „სრულწლოვნის სექსუალური ხასიათის შეღწევას დამნაშავისათვის წინასწარი შეცნობით თექვსმეტი წლის ასაკს მიუღწევლის სხეულში“.
140-ე მუხლით გათვალისწინებული დანაშაულისთვის სასჯელი 7-დან 9 წლამდე თავისუფლების აღკვეთაა, მეორე ნაწილის შემთხვევაში კი, რაც ითვალისწინებს დანაშაულის ჩადენას ჯგუფის მიერ, ან მის არაერთგზის ჩადენას. ამ შემთხვევაში ბრალდებულს 8-დან 12 წლამდე თავისუფლების აღკვეთას მიუსჯიან.
ამ მუხლით წარუდგინეს ბრალი, მაგალითად, ბათუმში 11 ივნისს მომხდარ შემთხვევაზე დაკავებულს – ლაშა ნ.-ს. მას პროკურატურა ასევე ედავება არასრულწლოვანის თვითმკვლელობამდე მიყვანას.
140-ე მუხლის გარდა, სისხლის სამართლის კოდექსში კიდევ რამდენიმე მუხლია, რომელიც უშუალოდ ძალადობით, ან ძალადობის მუქარით სექსუალური კავშირს, ასევე სექსუალური ხასიათის სხვაგვარი ქმედების ჩადენას გულისხმობს არასრულწლოვანთან.
ამ თემაზე:
პედოფილიის მსხვერპლი 46 მოზარდი გახდა – პირველი კვარტალის სტატისტიკა
