მთავარი,სიახლეები

ბათუმში მემედ აბაშიძის ქუჩაზე მოძრაობა შეზღუდულია – მიზეზი კაფეს პრეზენტაციაა

10.06.2023 • 6072
ბათუმში მემედ აბაშიძის ქუჩაზე მოძრაობა შეზღუდულია – მიზეზი კაფეს პრეზენტაციაა

ბათუმში, მემედ აბაშიძის ქუჩაზე ავტომანქანით მოძრაობა შეზღუდულია. ლუკა ასათიანის ქუჩის კვეთიდან დემეტრე თავდადებულის ქუჩის კვეთამდე გზა ჩაკეტილია.

აბაშიძისა და თავდადებულის ქუჩების  კვეთში, აჭარის ტელევიზიის წინ, სცენის მონტაჟი ამ წუთებშიც მიმდინარეობს.

მემედ აბაშიძის ქუჩა დღეს

სცენის მონტაჟი

როგორც ადგილზე გვითხრეს, კომპანია, რომელიც მემედ აბაშიძის #40-ში მდებარეობს, კაფეს პრეზენტაციას, შემდეგ კი კონცერტს გეგმავს.

გზის ჩაკეტვას სჭირდება მუნიციპალიტეტის მერიის, ასევე პოლიციის თანხმობა. კონკრეტულად ვინ და რა ვადით მიმართა უწყებებს გზის ჩაკეტვის თხოვნით, „ბათუმელები“ არკვევს და ინფორმაციას მიღებისთანავე განვაახლებთ.

გზის შესაძლო ჩაკეტვასთან დაკავშირებით უწყებებს ინფორმაცია არ გაუვრცელებიათ.

ჩვენი ინფორმაციით კი, მემედ აბაშიძის ქუჩაზე სასტუმროს ეზოში კაფე ტერიტორიის მესაკუთრის მოიჯარემ გახსნა.

ბათუმი , მემედ აბაშიძის #40

აქ კაფე ერთ წელზე მეტია ფუნქციონირებს, თუმცა მისი პრეზენტაცია დღეს, 10 ივნისს არის დაგეგმილი.

საჯარო რეესტრის ამონაწერის მიხედვით, მემედ აბაშიძის #40-ში მოიჯარედ შპს „ეს ფი ბარ ვესთ“ ფიქსირდება, კომპანიას ახლა სახელი უკვე შეცვლილი აქვს და „მანდარინ ქლაბ ჰაუსი“ ჰქვია.

კომპანიის მფლობელები ლატვიისა და არაბთა გაერთიანებული საემიროების მოქალაქეები არიან, კომპანიის დირექტორად კი საქართველოს მოქალაქე გიგლა მოსიძე და რუსეთის მოქალაქე  სტეპან ლანინი ფიქსირდებიან.

ინფორმაცია განახლდება.

გადაბეჭდვის წესი


ასევე: