დღეს 3 ივნისს, ბათუმში ტურისტული სეზონი ოფიციალურად გაიხსნა.
ფესტივალის სლოგანი – „ზაფხული იწყება აქ“, წელსაც უცვლელია.
ღონისძიებები ძირითადად ანბანის კოშკის მიმდებარე ტერიტორიაზე ჩატარდება. 16:00 საათიდან დაიწყო ქართველი შემსრულებლების კონცერტი. ღონისძიებაზე დაუკრავენ DJ-ები და ბენდები.
ბათუმის ბულვარი ტურისტული სეზონის გახსნაზე
წელს, სეზონის გახსნაზე ბიუჯეტიდან 330 ათას 364 ლარი დაიხარჯება. გასართობი-მუსიკალური პროგრამისა და მასთან დაკავშირებული მომსახურების შესყიდვაზე 162 ათასი ლარია გათვალისწინებული.
ღონისძიებისთვის სცენის მოწყობის ორგანიზებაზე კი 168 ათას 364 ლარი.
ტურისტული სეზონის გახსნა ბათუმში
ფესტივალის ფარგლებში ბათუმის ბულვარში დიდი, ფერადი ფრანებია გაშვებული, ასევე კოშკის მიმდებარე ტერიტორა, სხვადასხვა ფერადი დეკორაციებითაა დატვირთული.
ფესტივალი ორდღიანია და ღონისძიებები ხვალ, 4 ივნისსაც გაგრძელდება.
