ბათუმში, მაიაკოვსკის N3ა-ში მდებარე ავარიული ხუთსართულიანი კორპუსის დასანგრევად და მის ადგილზე 12-სართულიანი საცხოვრებელი კორპუსის ასაშენებლად, მერიის სამმართველომ ტენდერი 15 192 786 ლარით გამოაცხადა.
სამუშაოები, ტენდერში გამარჯვებულთან ხელშეკრულების დადებიდან 16 თვეში უნდა დასრულდეს.
წინადადებების მიღება 2023 წლის 26 აპრილს დაიწყება და პირველ მაისს დასრულდება.
არსებული ავარიული შენობა და რენდერი / ბათუმი, მაიაკოვსკის 3ა / ფოტოები პროექტიდან
ტენდერში მონაწილე პრეტენდენტს მოეთხოვება შემდეგი გამოცდილება:
2017 წლის 1-ლი იანვრიდან ტენდერის გამოცხადების დღემდე უნდა გააჩნდეს სამოქალაქო ან საზოგადოებრივი დანიშნულების ობიექტ(ებ)ის მშენებლობის ან/და რეკონსტრუქციის ან/და რეაბილიტაციის სამუშაოების შესრულების გამოცდილება ჯამურად არანაკლებ 44 000 000 ლარის ღირებულებით, მათ შორის ობიექტი/პროექტი ერთი ხელშეკრულების ფარგლებში შესრულებული უნდა ჰქონდეს საცხოვრებელი სახლის მშენებლობა სრულად გარემონტებული ე.წ. „გასაღებ ქვეშ“ [გარდა საყოფაცხოვრებო ავეჯისა], რომელიც მიღებულია ექსპლუატაციაში საერთო ღირებულებით არანაკლებ 13 000 000 ლარის ოდენობით;
2017 წლის 1-ლი იანვრიდან ტენდერის გამოცხადების დღემდე უნდა გააჩნდეს სამოქალაქო ან საზოგადოებრივი დანიშნულების ობიექტ(ებ)ის მშენებლობის გამოცდილება, რომელთა ჯამური სამშენებლო ფართი შეადგენს არანაკლებ 15 000 კვ.მ.-ს და ერთი ხელშეკრულების ფარგლებში შესრულებული უნდა ჰქონდეს ობიექტი/პროექტი საცხოვრებელი სახლის მშენებლობა სრულად გარემონტებული ე.წ„გასაღებ ქვეშ“ [გარდა საყოფაცხოვრებო ავეჯისა], რომელიც მიღებულია ექსპლუატაციაში საერთო სამშენებლო ფართით არანაკლებ 6 000 კვ.მ.“
არსებული ავარიული შენობა და რენდერი / ბათუმი, მაიაკოვსკის 3ა / ფოტოები პროექტიდან
საპროექტო დოკუმენტების მიხედვით:
- 12-სართულიანი შენობის მაქსიმალური სიმაღლე 43.7 მეტრი იქნება [დასანგრევი შენობის სიმაღლე20 მეტრია];
- ახალი კორპუსის საერთო ფართობია 6 796 კვ.მ [არსებული შენობის კი – 1 765.8 კვ.მ].
ტენდერის გამოცხადებამდე ბათუმის მერიის საქალაქო ინფრასტრუქტურისა და კეთილმოწყობის სამმართველომ ბაზრის კვლევა ჩაატარა. დეტალები ნახეთ ამ ბმულზე:
რისი ეშინიათ ავარიულ კორპუსში მცხოვრებთ ბათუმში და რას პასუხობს მათ მერია
