მთავარი,სიახლეები

სუბარმა შემაგინა და მეც გავეცი პასუხი – ტარიელ ნაკაიძეს მიკროფონი ჩაარტყეს

22.03.2023 • 2162
სუბარმა შემაგინა და მეც გავეცი პასუხი – ტარიელ ნაკაიძეს მიკროფონი ჩაარტყეს

დღეს, 22 მარტს, პარლამენტის სხდომათა დარბაზში, „ხალხის ძალის“ წევრმა და რუსული კანონის ერთ-ერთმა ინიციატორმა ვიქტორ ჯაფარიძემ, პარლამენტის დამოუკიდებელ დეპუტატს, ტარიელ ნაკაიძეს ზურგში მიკროფონი ჩაარტყა.

როგორც ტარიელ ნაკაიძემ „ბათუმელებს“ უთხრა, თავდაპირველად მას სოზარ სუბარმა შეაგინა, რასაც სიტყვიერი დაპირისპირება მოჰყვა.

„მე შემატრიალა სოზარ სუბარმა და მითხრა, რომ 20 წელია მიცნობს და მე ვარ მოღალატე თურმე და იცის ჩემი ყველა აგენტურული ქსელი. მას ვუთხარი, თუ რამე იცი, უნდა თქვა-მეთქი. იცით, რომ მე მუსლიმთა კავშირში ხელმძღვანელი ვიყავი და ზოგადად, მუსლიმების მიმართ მიდის ასეთი დამოკიდებულება, რომ მოღალატეები და ასე შემდეგ.

მე, რა თქმა უნდა, შევუტიე და ვუთხარი, რომ არასწორად იქცეოდა, მან შემაგინა და მეც გავეცი პასუხი.

როცა შემოვბრუნდი, ამ დროს, მისი გუნდის წევრმა ვიქტორ ჯაფარიძემ მიკროფონი ჩამარტყა“ – ამბობს ტარიელ ნაკაიძე.

მისი თქმით, როცა პოლიტიკური არგუმენტები იწურება, ამ დროს ადამიანები გადადიან ჩხუბზე და ასევე იქცევა „ქართული ოცნება“ და მისი სატელიტი „ხალხის ძალაც“.

ჩვენ მას ვკითხეთ, მიეცემა თუ არა ძალადობის ამ ფაქტს სამართლებრივი მსვლელობა, რაზეც ნაკაიძემ გვითხრა, რომ ამის შესახებ სხდომის დასრულების შემდეგ ეცოდინება.

გადაბეჭდვის წესი


ასევე: