მთავარი,სიახლეები

დააკავეს პირი, რომელიც „TV პირველის“ ჟურნალისტს თავს დაესხა

17.03.2023 • 1215
დააკავეს პირი, რომელიც „TV პირველის“ ჟურნალისტს თავს დაესხა

„ტვ პირველის“ ჟურნალისტის, ნატო გოგელიას მიმართ ძალადობის ფაქტზე ერთ პირი – მ.ა. დააკავეს.

15 მარტს ჟურნალისტი ნატო გოგელია ოზურგეთში, სოფელ ბახვში, იმ კაცის კომენტარის ჩაწერას ცდილობდა, რომელმაც თბილისში, პარლამენტის შენობის წინ, პრორუსული „ალტ-ინფოს“ მიერ ორგანიზებულ აქციაზე ევროკავშირის დროშა ჩამოხია.

„სპეციალური საგამოძიებო სამსახურის მიერ ჩატარებული გამოძიებით დადგინდა, რომ 2023 წლის 15 მარტს ტელეკომპანია „TV პირველის“ ჟურნალისტი ნატო გოგელია ოზურგეთის რაიონში, სოფელ ბახვში ჟურნალისტურ საქმიანობას ასრულებდა.

რეპორტაჟზე მუშაობის დროს, ბრალდებულმა მ.ა.-მ, პროფესიულ საქმიანობაში ხელის შეშლის მიზნით, ჟურნალისტს მიაყენა ფიზიკური შეურაცხყოფა, წაართვა მობილური ტელეფონი და დაუზიანა.

აღნიშნული ქმედებით, ჟურნალისტს პროფესიული საქმიანობის განხორციელებაში ხელი შეეშალა, კერძოდ, ვერ განახორციელა სიუჟეტის ჩაწერა, ხოლო ძალადობის შედეგად განიცადა ფიზიკური ტკივილი,“ – აღნიშნულია სპეციალური საგამოძიებო სამსახურის მიერ გავრცელებულ ინფორმაციაში.

ბრალდებულს გამოძიება ფიზიკურ ძალადობასთან ერთად ედავება ჟურნალისტის პროფესიულ საქმიანობაში ხელშეშლის და სხვისი ნივთის დაზიანების ან განადგურების  მუხლებითაც.

გადაბეჭდვის წესი


ასევე: