ბათუმში ახალგაზრდა კაცი, რომელიც ცივი იარაღით ერთ-ერთი ბარიდან გამოსვლის შემდეგ დაჭრეს, საავადმყოფოში გარდაიცვალა.
როგორც „ბათუმელებს“ შსს-ში უთხრეს, შელაპარაკება ორ კაცს შორის მოხდა, ერთ-ერთმა კი ცივი იარაღით დაჭრა მეორე, რის შემდეგაც აღნიშნული პირი საავადმყოფოში გარდაიცვალა.
პოლიციის ინფორმაციით, ბრალდებული დაკავებულია.
შემთხვევა წუხელ, 10 მარტს მოხდა საღამოს.
გამოძიება სსკ-ის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს, რამაც ადამიანის სიცოცხლის მოსპობა გამოიწვია.
