შუახევის მერიის ადმინისტრაციული შენობის რემონტისთვის 305 ათასი ლარია გათვალისწინებული. შენობის სარეაბილიტაციო სამუშაოების შესყიდვაზე ტენდერი შუახევის მუნიციპალიტეტმა უკვე გამოაცხადა.
ტენდერში აღნიშნულია, რომ საჭირო თანხას მუნიციპალიტეტი აჭარის 2023 წლის ბიუჯეტით განსაზღვრული კაპიტალური ტრანსფერის ფარგლებში გადაიხდის.
ტენდერში წინადადებების მიღება 2023 წლის 19 მარტს დაიწყება და 24 მარტს დასრულდება.
გამარჯვებულმა კი, სამუშაოები უნდა დაიწყოს „ხელშეკრულების დადებისთანავე და დაასრულოს 150 დღეში“.
შუახევის მერიის შენობა და რენდერი / ფოტოები ტენდერიდან
შუახევის მერიის ადმინისტრაციული შენობის სარეაბილიტაციოდ ტექნიკური პარამეტრები და შესაბამისი ნახაზები თან ახლავს ტენდერს.
სამშენებლო სამუშაოები მოიცავს ფასადისა და შენობის შიდა რემონტს, ელექტრო-სამონტაჟო სამუშაოებს, ასევე „გარე წყლის კუთხის წყალსადენისა და საკანალიზაციო სისტემების მოწყობას“.
შუახევის მერიის ადმინისტრაციული შენობა / ფოტო ტენდერიდან
