განათლება,მთავარი,სიახლეები

ერთიან ეროვნულ გამოცდებზე რეგისტრაცია იწყება

01.03.2023 • 1906
ერთიან ეროვნულ გამოცდებზე რეგისტრაცია იწყება

გამოცდების ეროვნული ცენტრის ინფორმაციით, 2023 წლის ერთიან ეროვნულ გამოცდებზე რეგისტრაცია 2 მარტს დაიწყება და  3 აპრილს დასრულდება.

საგამოცდო ცენტრები იფუნქციონირებს:  თბილისში, ბათუმში, ზუგდიდში, ქუთაისში, ფოთში, ახალციხეში, გორში, ოზურგეთში, რუსთავში, თელავსა და  ხულოში. წელს დაემატება კიდევ ერთი ცენტრი ამბროლაურშიც.

ცენტრის ინფორმაციით, აპლიკანტი ვალდებულია რეგისტრაციისას შეავსოს პირადი მონაცემები, აირჩიოს საგამოცდო ქალაქი, ჩასაბარებელი საგნები.

„ამ ვადის ამოწურვის შემდეგ გამოსაცდელი გამოცდებზე ვეღარ დარეგისტრირდება.

საგნის შეცვლა ან დამატება, ასევე გამოცდის ენის შეცვლა, აბიტურიენტებს 13 აპრილის 18:00 საათამდე შეეძლებათ. საგანმანათლებლო პროგრამების ჩამონათვალში ცვლილებების შეტანის შესაძლებლობა მათ აპელაციის შედეგების გამოქვეყნებიდან მომდევნო დღის ჩათვლით ექნებათ,“ – აცხადებს ცენტრი.

ამავე წყაროს ცნობით, აბიტურიენტებს შესაძლებლობა ექნებათ, ელექტრონულ კრებულში გაეცნონ გამოცდებთან დაკავშირებულ მიმდინარე ინფორმაციებს. მათ შორის, შედეგების გამოქვეყნების, აპელაციის პროცედურის, ჩარიცხვისა და სახელმწიფო სასწავლო გრანტის მოპოვების წესის შესახებ ინფორმაციას.

„ცნობარში ასევე მოცემულია ცხრილი, რომელშიც ასახულია უმაღლესი საგანმანათლებლო დაწესებულებების მონაცემები, თითოეული გამოცდისათვის მინიჭებული კოეფიციენტები,  კომპეტენციის  ზღვარი, სწავლის საფასური და სხვა მნიშვნელოვანი დეტალები“.

ცენტრის ინფორმაციით, მასწავლებლების გამოცდებზე რეგისტრაციის შესახებ ინფორმაცია მოგვიანებით გამოქვეყნდება.

გადაბეჭდვის წესი


ასევე: