დღეს, 24 თებერვალს, ბათუმის ცენტრალური პარკის შესასვლელთან უკრაინის მხარდასაჭერი აქცია იმართება. აქცია საერთაშორისოა და მსოფლიოს სხვადასხვა ქალაქში იმართება. აქციაზე იქნება ფლეშმობი – „უკრაინის რუკა“.
გარდა ამისა, 19:00-დან 21:00 საათამდე სასტუმრო Wyndham-ში გაიმართება საქველმოქმედო აუქციონი. აუქციონზე გამოტანილი იქნება უკრაინიდან, ფრონტის ხაზიდან ქართველი, უკრაინელი და ბელარუსი ჯარისკაცების მიერ გამოგზავნილი სხვადასხვა ნივთი, ასევე, ქართველი მხატვრების ნამუშევრები.
აუქციონზე მისვლა და ნივთების შეძენა ნებისმიერ მსურველს შეუძლია. ნივთები ონლაინაც გაიყიდება.
შემოსული თანხა უკრაინაში მებრძოლებს მოხმარდება. აუქციონის პარალელურად გაიმართება საქართველოში უკრაინის საელჩოს ნახატების გამოფენა.
24 თებერვლის ღონისძიებების – 14:00 საათზე დაგეგმილი აქციის და აუქციონის ორგანიზატორია ორგანიზაცია „ბათუმი უკრაინისთვის”.
