მთავარი,სიახლეები

თოვლით დაფარული სკოლა ხულოში – დანისპარაულში სასწავლო პროცესი შეფერხდა

22.02.2023 • 2457
თოვლით დაფარული სკოლა ხულოში – დანისპარაულში სასწავლო პროცესი შეფერხდა

მაღალმთიან აჭარაში ბოლო დღეებია გადაუღებლად თოვს. ხულოს მუნიციპალიტეტის სოფელ დანისპარაულში დიდთოვლობის გამო სწავლა შეფერხდა.

ინფორმაცია „ბათუმელებს“ დანისპარაულის სკოლის მოსწავლეების მშობელმა დაუდასტურა. სკოლის 2 მოსწავლის მამის თქმით, ოჯახი სკოლასთან ახლოს ცხოვრობს, მაგრამ მისი შვილები დღეს, 22 თებერვალს, სკოლაში დიდთოვლობის გამო ვერ წავიდნენ და ამავე მიზეზით, სასწავლო პროცესი სკოლაში შეფერხდა.

„ბათუმელებმა“ დანისპარაულის სკოლის დირექტორთან სცადა დაკავშირება დეტალების დასაზუსტებლად, თუმცა მან ჩვენს სატელეფონო ზარებს არ უპასუხა.

დანისპარაულის ერთ-ერთი მკვიდრის თქმით, სოფელში ერთი კვირა შეწყვეტილია საბავშვო ბაღის მუშაობაც.

შეფერხდა თუ არა დიდთოვლობის გამო სასწავლო პროცესი ხულოს მუნიციპალიტეტის სხვა სოფლებშიც? – ინფორმაციის დასაზუსტებლად ხულოს რესურსცენტრის ხელმძღვანელს დავუკავშირდით, თუმცა ინფორმაცია ამ დრომდე არ მიგვიღია.

________________________

მთავარ ფოტოზე: დანისპარაულის საჯარო სკოლა. 21.02.2023წ. 

გადაბეჭდვის წესი


ასევე: