მთავარი,სიახლეები

ბათუმი-თბილისის მატარებელი შეფერხებით მოძრაობს – რას პასუხობს რკინიგზა

16.02.2023 • 1841
ბათუმი-თბილისის მატარებელი შეფერხებით მოძრაობს – რას პასუხობს რკინიგზა

დღეს, 16 თებერვალს, სამგზავრო მატარებელი ბათუმი-თბილისი ერთ საათზე მეტია ხარაგაულთან დგას – ამის შესახებ „ბათუმელებს“ მატარებლის მგზავრებმა მოაწოდეს ინფორმაცია.

საქართველოს რკინიგზის პრესსამსახურში „ბათუმელებს“ უთხრეს, რომ გზებზე დიდთოვლობის და დაბალი ტემპერატურის გამო შეფერხებებია.

„მიუხედავად იმისა, რომ ტრანსპორტის სხვა სახეობების მოძრაობა გარკვეულ მონაკვეთებზე დილიდან შეჩერდა, რკინიგზა არ გაჩერებულა. მცირე შეყოვნებებით სრულდება რეისები, რომ მგზავრთა უსაფრთხოება მაქსიმალურად უზრუნველვყოთ.

მოძრაობა უმოკლეს დროში გაიხსნება სამგზავრო მატარებლისთვისაც და მალე მატარებელი დაიძვრება“ – მოგვწერეს „საქართველოს რკინიგზიდან“.

„ბათუმელების“ ინფორმაციით, სარკინიგზო რეისი შეფერხებით შესრულდა გუშინაც.

____________

ფოტოზე: ხედი მატარებლის ფანჯრიდან. 16 თებერვალი, 2023 წ.

გადაბეჭდვის წესი


ასევე: