Batumelebi | შავი ზღვის სანაპიროს საქართველოში უცხოელი მეცნიერები იკვლევენ შავი ზღვის სანაპიროს საქართველოში უცხოელი მეცნიერები იკვლევენ – Batumelebi
RU | GE  

შავი ზღვის სანაპიროს საქართველოში უცხოელი მეცნიერები იკვლევენ

27 მაისს ბათუმში უკრაინისა და ევროკავშირის ქვეყნების 40-მდე მეცნიერით დაკომპლექტებული ჯგუფი,  რუმინეთის კვლევითი გემით Mare Nigrum-ით შემოვიდა. მეცნიერები საქართველოს შავი ზღვის სანაპიროს მონიტორინგს ჩაატარებენ. ასეთი კვლევა შავ ზღვაზე 1991 წლის შემდეგ არ ჩატარებულა.

უცხოელი და ქართველი სპეციალისტები ბიოლოგიურ, ფიზიკურ-ქიმიურ და მყარი მცურავი ნარჩენების კვლევებს ოთხი თვის განმავლობაში ჩაატარებენ, რის შედეგადაც შესაძლებელი გახდება შავი ზღვის ბიომრავალფეროვნების სრულყოფილი შეფასება.

 

ლაბორატორიები გემზეა განთავსებული, სადაც სინჯების ძირითადი პარამეტრები მოწმდება. სპეციალური ორგანული ანალიზებისთვის კი სინჯები საბერძნეთში იგზავნება, მეცნიერთა განმარტებით ის თანამედროვე ტექნოლოგია, რაც ასეთი დაბალი კონცენტრაციის კვლევებისთვის არის საჭირო მხოლოდ ევროკავშირშია:

შავი ზღვის კვლევები EU-UNDP-ის პროექტის “შავი ზღვის გარემოს მონიტორინგის გაუმჯობესება” (EMBLAS) ფარგლებში მიმდინარეობს და საქართველოში გარემოს ეროვნული სააგენტოს მონაწილეობით ხორციელდება.


ჩამოსულ მეცნიერებს დღეს ბათუმის პორტში ბათუმის მერი გიორგი ერმაკოვი, აჭარის გარემოს დაცვის სამმართველოს ხელმძღვანელი ვახტანგ წულაძე და აჭარის ეკონომიკის მინისტრი დავით ბალაძე შეხვდა.

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან