დღეს, 4 თებერვალს, რუსეთსა და უკრაინას შორის სამხედრო ტყვეების მორიგი გაცვლა შედგა. უკრაინაში დაბრუნდა 116 ადამიანი.
უკრაინის პრეზიდენტის ადმინისტრაციის ხელმძღვანელის, ანდრეი ერმაკის თქმით, გათავისუფლებულ ტყვეებს შორის არიან მარიუპოლის მცველები, ხერსონელი პარტიზანები და ბახმუტის მიმართულების სნაიპერები.
გათავისუფლებულებიდან ორი ოფიცერი და 114 რიგითი და სერჟანტია.
ერმაკის ცნობით, უკრაინამ ასევე შეძლო დაღუპული უცხოელი მოხალისეების ცხედრების დაბრუნება.
ამავე დროს, რუსული მხარე აცხადებს, უკრაინის ტყვეობიდან 63 რუსი სამხედრო მოსამსახურის დაბრუნების შესახებ. რუსული მედია წერს, რომ „გათავისუფლებული რუსი სამხედროების ჯგუფში შედიან „სენსიტიური კატეგორიის“ პირები, რომელთა გაცვლა შესაძლებელი გახდა არაბეთის გაერთიანებული საამიროების ხელმძღვანელობის შუამავლობით“.
_______________
ფოტო ერმაკის ტელეგრამ არხიდან
