ბათუმი,მთავარი,სიახლეები

ბულვარის შესასვლელში დაზიანებული ფილების შესაცვლელად 420 ათასი ლარია გამოყოფილი

05.02.2023 •
ბულვარის შესასვლელში დაზიანებული ფილების შესაცვლელად 420 ათასი ლარია გამოყოფილი

ბათუმის ბულვარის ადმინისტრაცია ბულვარის ცენტრალურ შესასვლელში დაზიანებული გრანიტის ფილების შეცვლას გეგმავს.

ბულვარის ცენტრალურ შესასვლელში, შადრევნების მიმდებარე ტერიტორიაზე დაზიანებული ფილების შესაცვლელად ბულვარმა ტენდერი 420 ათასი ლარით გამოაცხადა.

პირობის მიხედვით, ელექტრონული ტენდერით გათვალისწინებული სამუშაოები მიმწოდებელმა უნდა შეასრულოს ეტაპობრივად, ხელშეკრულების გაფორმებიდან 90 დღეში.

ბულვარში დაზიანებულ ფილებს შეცვლიან. ბულვარის ცენტრალური შესასვლელი. 4.02.2023 წ.

ტენდერში გამარჯვებულმა არსებული დაზიანებული ბუნებრივი გრანიტის ფილების დემონტაჟის სამუშაოები უნდა შეასრულოს და ქვემოთ დასახელებული ახალი ბუნებრივი გრანიტის ფილები უნდა დააგოს წებო-ცემენტის ხსნარზე:

  • ნაცრისფერი ფილა Azul Platino სისქით 30-მმ ზედაპირი თერმულად დამუშავებული; სულ 208,5 კვ.მ. მათ შორის: დიდი 118,5 კვ.მ. პატარა 90 კვ.მ;
  • შავი ფილა Nero Zimbabwe სისქით 30-მმ ზედაპირი თერმულად დამუშავებული; სულ 195,5 კვ.მ. მათ შორის: დიდი 110,5 კვ.მ. პატარა 85 კვ.მ;
  • თეთრი ფილა Kashmir White სისქით 30-მმ ზედაპირი თერმულად უნდა იყოს დამუშავებული; 30 კვ.მ;
  • წითელი ფილა Eagle Red სისქით30-მმ ზედაპირი თერმულად უნდა იყოს დამუშავებული; 30 კვ.მ;
  • თეთრი ფილა Azul Platino სისქით 30-მმ ზედაპირი თერმულად უნდა იყოს დამუშავებული; 135 კვ.მ;
  • და ბუნებრივი გრანიტის შავი ფილა Nero Zimbabwe სისქით 30-მმ ზედაპირი თერმულად დამუშავებული; 61 კვ.მ.

ტენდერში წინადადებების მიღება 2023 წლის 8 თებერვალს დაიწყება და 13 თებერვალს დასრულდება.

„ყველა ის ფილა, რომლებიც დაზიანებულია, ანალოგიური ახალი ფილებით შეიცვლება“ – გვითხრეს ბულვარის ადმინისტრაციაში.

რახან ფილები ზიანდება, რატომ გადაწყდა ანალოგიური ფილების დაგება და არა სხვა, თუნდაც გამძლეობით განსხვავებული ფილების დაგება? – ამ კითხვაზე პასუხად ადმინისტრაციაში გვითხრეს, რომ „ეს ფილები დიდი ხნის წინ დაიგო, პერიოდულად, საკუთარი ძალებით ვცვლიდით, თუმცა ამჯერად მთლიანად ახალი ფილებით ჩავანაცვლებთ და ეს გამძლეობის კუთხითაც მისაღებია, ვინაიდან, ამ ტერიტორიაზე არ იმართება კონცერტები, არ გადაადგილდება მძიმე ტექნიკა“.

ბათუმის ბულვარის ცენტრალური შესასვლელი / 4.02.2023

ახალი ფილების საგარანტიო ვადა სამუშაოების დასრულებიდან 2 წელია.

გადაბეჭდვის წესი


ასევე: