მთავარი,სიახლეები,ჯანმრთელობა

ვის დაუფინანსდება აჭარაში თვალის ბადურის მედიკამენტური მკურნალობა

03.02.2023 • 1013
ვის დაუფინანსდება აჭარაში თვალის ბადურის მედიკამენტური მკურნალობა

„მიმდინარე წელს აჭარის ჯანდაცვის სამინისტრომ დაიწყო თვალის ბადურის ძვირადღირებული, მაღალეფექტური, ანგიოგენეზური მოქმედების პრეპარატების დაფინანსება.

ამ ეტაპზე პროგრამით სარგებლობენ შეზღუდული შესაძლებლობის სტატუსის მქონე პირები და 200 000 სარეიტინგო ქულის მქონე სოციალურად დაუცველი მოქალაქეები, მომდევნო პერიოდისათვის ჩვენ ვგეგმავთ პროგრამის გაფართოებას“ – ამბობს ნინო ნიჟარაძე.

აღნიშნული პროგრამის ფარგლებში პაციენტებს მედიკამენტების ღირებულება უფინანსდებათ სრულად. პროგრამა ვაუჩერული მეთოდით ხორციელდება. ასევე, პაციენტს აქვს სამედიცინო დაწესებულების თავისუფალი არჩევანის უფლება.

აჭარის ჯანდაცვის სამინისტროს ცნობით, პროგრამით მოსარგებლეთა რაოდენობა შეზღუდული არ არის.

მოსარგებლე ვაუჩერის გაცემის პერიოდისათვის ერთი წლის განმავლობაში უწყვეტად უნდა იყოს რეგისტრირებული აჭარის ავტონომიური რესპუბლიკის ტერიტორიაზე.

______________

ფოტო: აჭარის ჯანდაცვის სამინისტრო

გადაბეჭდვის წესი


ასევე: