სპორტსმენ ბავშვთა კარდიული სკრინინგი – ჯანდაცვის ახალი პროგრამა აჭარაში

აჭარის საზოგადოებრივი ჯანდაცვის ცენტრმა პილოტური პროგრამა – „სპორტსმენ ბავშვთა კარდიული სკრინინგი“ აამოქმედა.

პროგრამის მოსარგებლეები არიან აჭარის ტერიტორიაზე რეგისტრირებული მოზარდები, რომლებიც გაწევრიანებულნი არიან აჭარაში სახელმწიფო/მუნიციპალური პროგრამით დაფინანსებულ სპორტულ სექციებსა თუ კლუბებში და აქვთ ინტენსიური ფიზიკური დატვირთვა.

სპორტსმენ ბავშვებს გულის ულტრასონოგრაფიული კვლევა უტარდებათ სამედიცინო ვაუჩერის საშუალებით. აჭარის ჯანდაცვის სამინისტროს ცნობით, პროგრამით სარგებლობა წლის განმავლობაში 500-მდე მოზარდს შეეძლება.

სამედიცინო დაწესებულებები, რომლებსაც შეუძლიათ მიმართონ სპორტული სექციებიდან და კლუბებიდან რეფერირებულმა სპორტსმენმა/სპორტულ სექციებში ჩარიცხულმა ბავშვებმა:

• შპს „ქ.ბათუმის N1 პოლიკლინიკა“ – ბათუმი, ტბელ აბუსერიძის ქ. N 2
•  შპს „ქ. ბათუმის N 4 პოლიკლინიკა“ – ბათუმი, ტაბიძის ქ. N 2
•  სს „მეზღვაურთა სამედიცინო ცენტრი-2010“ – ბათუმი, ტაბიძის ქ. N 2
•  სს „ვიანი“ მ. იაშვილის ბათუმის დედათა და ბავშვთა ცენტრალური ჰოსპიტალი – ბათუმი, აეროპორტის გზატკეცილი N 64
•  შპს „საოჯახო მედიცინის რეგიონული ცენტრი“ – ბათუმი, ნიკოლოზ ბარათაშვილის N33

________________

ფოტო: აჭარის ჯანდაცვის სამინისტრო