ხელვაჩაურის სოფელ მირვეთის ჩანჩქერამდე მისასვლელ საფეხმავლო ბილიკს მოაწყობენ.
პროექტის მიხედვით საფეხმავლო ბილიკი ცემენტითა და ფლეთილი ქვებით მოეწყობა. უშუალოდ ჩანჩქერთან გაკეთდება ტერასა – ხისა და ლითონის კონსტრუქციით. მოეწყობა ასევე განათება, სკამი და სხვა კონსტრუქციები.
მირვეთის ჩანჩქერი / რენდერი პროექტიდან
ზოგადი მითითებები პროექტიდან
ბილიკისა და თანმდევი ინფრასტრუქტურის მოწყობაზე ტენდერი აჭარის ტურისტული პროდუქტების განვითარების სააგენტომ გამოაცხადა.
შესყიდვის სავარაუდო ღირებულება 105 ათასი ლარია [თუმცა, ამავე ტენდერში გამარჯვებულმა ქობულეთის მუნიციპალიტეტის სოფელ ჩაისუბანში საპირფარეშოც უნდა მოაწყოს].
ტენდერში წინადადებების მიღება დაიწყება 2023 წლის 12 თებერვალს და 17 თებერვალს დასრულდება.
მირვეთის ჩაჩქერთან / რენდერები პროექტიდან
ტენდერის პირობის მიხედვით, სამუშაოების დასრულების ბოლო ვადა 2023 წლის 30 ივნისია.
—
მირვეთი ჭოროხისპირა სოფელია, რომელიც ბათუმიდან 27 კილომეტრით არის დაშორებული.
სოფლის მთავარ გზაზე დადგომისას მალევე შეხვდებით აბრას, რომელიც ახლომდებარე ჩანჩქერის მიმართულებას გამცნობთ. ჩანჩქერი 20 მეტრის სიმაღლიდან ეშვება. ქვემოთ დაგუბებულ წყალში აქ ბანაობაცაა შესაძლებელი.
ჩანჩქერამდე დღეს ხავსით დაფარული კოლხური ბზის ხეივანით მიხვალთ. ეს ბზა წითელ წიგნშია შეტანილი. სოფელში არაერთი ღირსშესანიშნავი და მიმზიდველი ადგილია.
ვრცლად ნახეთ ამ ბმულზე:
მირვეთი – საუკეთესო ადგილი ველოტურის, ჯომარდობისა და დასვენებისთვის
