დღეს, 27 იანვარს, ქობულეთის მუნიციპალიტეტში, სოფელ ქვედა სამებაში საცხოვრებელი სახლის უკანა ნაწილი ჩამოინგრა.
ქობულეთის მერიის ცნობით, შემთხვევის დროს სახლში იმყოფებოდა ერთი ქალი, იგი ამ დროისთვის გადაყვანილია უსაფრთხო ადგილას.
„ადგილზე არსებულ მდგომარეობას ქობულეთის მერი, მოადგილეებთან და ადმინისტრაციული სამსახურის ხელმძღვანელთან ერთად გაეცნო. უწყების წარმომადგენლები მოქალაქეს მდგომარეობის შესწავლას და შესაძლებლობის ფარგლებში, დახმარებას დაჰპირდნენ“ – იუწყება ქობულეთის მერია.
შემთხვევის ადგილზე იმყოფებოდნენ სამაშველოს, ენერგო-პრო ჯორჯიასა და სოკარ ჯორჯია გაზის წარმომადგენლები.
ფოტო: ქობულეთის მერია
ფოტო: ქობულეთის მერია
