26 იანვრის ღამეს უკრაინის საჰაერო თავდაცვამ 24 კამიკაძე-დრონი, ირანული „შაჰედი“ ჩამოაგდო – ამის შესახებ უკრაინის საჰაერო ძალების სარდლობა იუწყება.
წინასწარი მონაცემებით, რუსეთის შეიარაღებულმა ძალებმა უპილოტო საფრენი აპარატები აზოვის ზღვის აღმოსავლეთ სანაპიროდან გაუშვეს.
სარდლობის ცნობით, 24-ვე დრონი გაანადგურეს საზენიტო სარაკეტო დანაყოფებმა. დრონების უმრავლესობა განადგურდა ქვეყნის ცენტრალურ ნაწილში.
დრონების ჩამოგდების ოპერაცია მსხვერპლისა და ინფრასტრუქტურულ ობიექტებზე დარტყმის გარეშე დასრულდა.
