ნეტგაზეთი • RU

ენმ ბათუმის საკრებულოს სხდომას ისევ არ ესწრება – „სააკაშვილის მოკვლა აქვთ გადაწყვეტილი“

ბათუმის საკრებულოში დღეს, 25 იანვარს, სხდომას ფრაქცია „ერთიანი ნაციონალური მოძრაობა“ არ ესწრება.

„საკრებულოს სხდომას არ ვესწრებით, ვიდრე მიხეილ სააკაშვილის მდგომარეობა მძიმეა და ჩანს „ოცნების“ გადაწყვეტილება: სააკაშვილის მოკვლა აქვთ გადაწყვეტილი,“ – ამბობს რეზო ხარაზი, ბათუმის საკრებულოს წევრი „ერთიანი ნაციონალური მოძრაობიდან“.

ფრაქცია „ერთიანი ნაციონალური მოძრაობა“ არც ბათუმის საკრებულოს წინა სხდომას დასწრებია. რეზო ხარაზი ამბობს, რომ შემდეგ ჯერზე პარტიაში იმსჯელებენ, დაესწრებიან თუ არა სხდომას.

„ჩვენ ვმუშაობთ ხალხთან, ვაკეთებთ ჩვენს საქმეს, ვხვდებით ადამიანებს, ვსაუბრობთ იმ პრობლემებზე, რასაც „ოცნება“ უარყოფს, მაგრამ შემდეგ გამოძიებაც ადასტურებს, მაგალითად, ის, რომ კორუფციაა… მერიის მუნიციპალური ინსპექციის თანამშრომელი დააკავეს,“ – უთხრა რეზო ხარაზმა „ბათუმელებს“.

ნეტგაზეთის მასალების სხვა გამოცემებში გადაბეჭდვის წესი
ავტორი