გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 27 დეკემბრის 21 საათიდან 28 დეკემბრის 21 საათამდე აჭარაში მოსალოდნელია ცვალებადი მოღრუბლულობა, ზოგან წვიმა, მაღალ მთაში – თოვა.
იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო და მთიან რაიონებში იქნება:
- დღისით: 10 – 15 გრადუსი
- ღამით: 3 – 8 გრადუსი
მაღალ მთაში მოსალოდნელია:
- დღისით: 5 – 10 გრადუსი
- ღამით: -2 – +3 გრადუსი
სინოპტიკოსების ცნობით, 29 დეკემბერს ღამით და დილით აჭარაში წვიმაა მოსალოდნელი, მაღალ მთაში – თოვა.
აჭარაში 29 დეკემბერს, დღის მეორე ნახევრიდან გამოიდარებს და მომდევნო 2 დღეს უმეტესად უნალექო ამინდია მოსალოდნელი.
______________
ფოტო „ბათუმელების“ არქივიდან