„რატომ არ იმჩნევს მერია უკანონო ავტოპარკინგს, რაც მწვანე ზოლს ანადგურებს?“ – კითხულობს ბათუმში, ბაგრატიონის ქუჩაზე მცხოვრები. მან დღის და ღამის საათებში ქუჩის კონკრეტულ მონაკვეთში გადაღებული ფოტოები გამოგვიგზავნა – „აგროჰაბის“ გასწვრივ. ფოტოებზე ჩანს, რომ ავტომანქანები ქუჩის გამყოფ მწვანე ზოლშია დაპარკინგებული და ზიანდება მწვანე საფარი.
ბაგრატიონი ის ქუჩაა ბათუმში, რომლის რეაბილიტაცია წლებია არ სრულდება. 2014 წლიდან დღემდე ბაგრატიონის ქუჩის რეაბილიტაციისთვის მინიმუმ 23 მილიონი ლარი და 16 მილიონი ევრო დაიხარჯა.
ბაგრატიონის ქუჩაზე სარეაბილიტაციო სამუშაოები ახლაც მიმდინარეობს.
მოქალაქე, რომელიც „ბათუმელებს“ დაუკავშირდა, უკანონო პარკინგსაც დაუსრულებელ სარეაბილიტაციო სამუშაოებს უკავშირებს. „პრაქტიკულად, სხვა გასაჩერებელი ადგილი აღარ არის, ყველა კუთხეს თხრიან, მაგრამ ამასობაში მწვანე საფარის განადგურებასაც არ იმჩნევს მერია,“ – აღნიშნავს მოქალაქე.
უკანონო პარკინგი ბაგრატიონის ქუჩის მწვანე ზოლში
სკვერი ბაგრატიონის ქუჩაზე, რომელიც პარკინგად იქცა
სკვერი ბაგრატიონის ქუჩაზე, რომელიც პარკინგად იქცა
