მთავარი,სიახლეები

დონბასში წარუმატებლობის გამო პუტინი მხარდაჭერას კარგავს – ISW

11.12.2022 • 1644
დონბასში წარუმატებლობის გამო პუტინი მხარდაჭერას კარგავს – ISW

ვლადიმერ პუტინი რისკავს დაკარგოს ეგრეთ წოდებული დნრ-ის ყოფილი ლიდერებისა და ვეტერანების მხარდაჭერა იმის გამო, რომ მისმა ჯარისკაცებმა ვერ შეძლეს დონბასის „დაცვა“ – უკან ვერ დაახევინეს უკრაინის ჯარებს დონეცკის დასავლეთით.

როგორც ომის შესწავლის ამერიკული ინსტიტუტის (ISW) ანგარიშშია აღნიშნული, რუსეთის პრეზიდენტ ვლადიმერ პუტინს უკვე საჯაროდ აკრიტიკებს ეგრეთ წოდებული დნრ-ის ყოფილი „თავდაცვის მინისტრი“ იგორ სტრელკოვ-გირკინი.

მან ღიად გააკრიტიკა პუტინი იმის გამო, რომ დონეცკის მახლობლად განლაგებული უკრაინული ძალები ვერ გააძევა საარტილერიო დარტყმის ზონიდან, მიუხედავად იმისა, რომ რუსეთის „სპეციალური სამხედრო ოპერაციის“ ერთ-ერთი მიზანი სწორედ დონბასის მშვიდობიანი მოსახლეობის „დაცვა“ იყო.

„გირკინმა კონკრეტულად გააკრიტიკა 9 დეკემბრის განცხადება, როდესაც პუტინმა სპეცოპერაციის მიმდინარეობა შეაფასა, როგორც „სტაბილური“. მან განაცხადა, რომ მხოლოდ პუტინი და რუსეთის თავდაცვის სამინისტრო მიიჩნევენ ომს წარმატებულად“, – აცხადებენ ანალიტიკოსები.

გარდა ამისა, პუტინი ასევე გააკრიტიკა დნრ-ის უშიშროების ყოფილმა მინისტრმა, ალექსანდრ ხოდაკოვსკიმ. მან მოულოდნელად განაცხადა, რომ პუტინის გაჭიანურებული მმართველობა მთლად წარმატებული არ ყოფილა.

ხოდაკოვსკიმ ყველასთვის მოულოდნელად აღნიშნა, რომ გაჩნდა დისკუსიები ვითარების შეცვლის აუცილებლობაზე, მარიუპოლის რეკონსტრუქციის გარშემო კორუფციულ სქემებზე მინიშნებით. მან ასევე დასძინა, რომ პუტინმა მემკვიდრეობით მიიღო უაღრესად კორუმპირებული საზოგადოება, რომელსაც ვერ გამოასწორებს რუსეთის გენერალური შტაბის ხელმძღვანელის, ვალერი გერასიმოვის გადაყენებით.

ხოდაკოვსკიმ რუსეთის შეიარაღებული ძალები ასევე იმაში დაადანაშაულა, რომ მათ ქალაქ დონეცკის დაცვის დროს შემხვედრი ცეცხლი არ გახსნეს.

„გირკინისა და ხოდაკოვსკის მიერ კრემლის კრიტიკა, მათ სხვა თავდასხმებთან შედარებით, უპრეცედენტოა. ეს აშკარა თავდასხმა პუტინზე შეიძლება მიუთითებდეს განხეთქილებაზე ომის მომხრე დნრ-ს, ვეტერანებსა და პუტინს შორის. რუსი ვეტერანები და მარიონეტული ხელისუფლება დიდი ხანია აფრთხილებენ კრემლს მის მიერ წარმოებული სამხედრო კამპანიის ნაკლოვანებებზე, მაგრამ გაერთიანდნენ პუტინის გარშემო იმ რწმენით, რომ მისი ომი – როგორც მინიმუმ – რუსეთის მიერ დონბასის ოკუპაციით დასრულდებოდა“, – აღნიშნავს ISW-ი.

ინსტიტუტი იხსენებს ერთ მომენტს – ლისიჩანსკის ოკუპაციის შემდეგ, სოციალურ ქსელში გამოჩნდა ვიდეომასალა, რომელშიც ლნრ-ის მებრძოლები უარს ამბობდნენ დნრ-ის ტერიტორიისთვის ბრძოლაზე.

ანალიტიკოსები ვარაუდობენ, რომ პუტინის იდეოლოგებმა დონბასის ოკუპაციის დროს პრიორიტეტად მიიჩნიეს დონეცკის რეგიონი.

იმ ფონზე, რომ პუტინის ყველა ეს გეგმა ჩაიშალა, მის ომს, ყოველდღიურად, უფრო მეტად აკრიტიკებენ.

გადაბეჭდვის წესი


ასევე: