სიახლეები

უკრაინა, პუტინი და ჯონი დეპი – რას გუგლავდნენ ყველაზე ხშირად 2022 წელს

08.12.2022 • 1051
უკრაინა, პუტინი და ჯონი დეპი – რას გუგლავდნენ ყველაზე ხშირად 2022 წელს

კომპანია Google-მა ყოველწლიური სტატისტიკა გამოაქვეყნა, რომელიც აჩვენებს რას ეძებდნენ Google-ის საშუალებით ყველაზე ხშირად 2022 წელს.

სტატისტიკამ აჩვენა, რომ მომხმარებლები ყველაზე ხშირად ონლაინთამაშ Wordle-ს ეძებდნენ.

თამაში Wordle-ი, რასაც ყველაზე ხშირად ეძებდნენ 2022 წელს, პროგრამისტმა ჯოშ უორდლმა შექმნა 2021 წელს და მერე გაზეთ New York Times-ს მიჰყიდა.

Google-ის ძებნის წლიურ სტატისტიკაზე დიდი ზეგავლენა მოახდინა რუსეთ-უკრაინის ომმაც.

უკრაინის ინგლისურად აკრეფილი სახელწოდება Ukraine ასევე ყველაზე ხშირად დაძებნილ სიტყვებს შორისაა.

ადამიანებს შორის Google-ში ყველაზე ხშირად რუსეთის პრეზიდენტს, ვლადიმერ პუტინს ეძებდნენ.

უკრაინელებს შორის ყველაზე ხშირად გუგლში ეძებდნენ პრეზიდენტის ოფისის მრჩეველს ოლექსეი არესტოვიჩს და პრორუს უკრაინელ ოლიგარქს, ვიქტორ მედვედჩუკს, რომელიც სახელმწიფო ღალატში იყო მხილებული, შემდეგ კი ის ტყვეთა გაცვლისას რუსეთს გადასცეს.

მსოფლიო სიახლეების ძიების დროსაც ყველაზე ხშირად უკრაინას ეძებდნენ Google-ში. სიახლეებში ძიებით მეორე ადგილზეა დედოფალი ელისაბედ II.

ყველაზე პოპულარული ადამიანი, ვისაც 2022 წელს Google-ში ეძებდნენ ჯონი დეპია. 2022 წელს იმართებოდა მისი სასამართლო პროცესები, რომლის დროსაც ყოფილი ცოლი, ამბერ ჰარდი მსახიობს ძალადობაში სდებდა ბრალს.

გადაბეჭდვის წესი


ასევე: