ნეტგაზეთი • RU

წელს ხულო-ზარზმის გზაზე 10 კმ-მდე ასფალტს დააგებენ – მინისტრის დაპირება

საქართველოს რეგიონული განვითარებისა და ინფრასტრუქტურის მინისტრის, ირაკლი ქარსელაძის განცხადებით, წელს ხულო-ზარზმის გზაზე 10 კმ-მდე ასფალტის საფარს დააგებენ.

„მიუხედავად მთელი რიგი, მათ შორის, მეწყრებთან დაკავშირებული გამოწვევებისა, წელს ვახერხებთ როგორც ხულოს, ისე ზარზმის მხრიდან, 10 კმ-მდე გზაზე ასფალტის საფარის მოწყობას.

კარგი პროგრესი გვაქვს ხელოვნურ ნაგებობებთან დაკავშირებით, რაც ქმნის პირობებს იმისათვის, რომ უკვე მომდევნო წელს პროექტი დასრულდეს და ასფალტის საფარით უზრუნველყოფილი ხულო-ზარზმის უმნიშვნელოვანესი გზა შევიდეს ექსპლუატაციაში,“ – განაცხადა ქარსელაძემ.

ხულო-ზარზმის გზის მშნებლობა

ხულო-ზარზმის გზის მშენებლობა

ხულო-ზარზმის 47 კმ-იანი გზის მშენებლობის დასრულება 2023 წელს იგეგმება, თუმცა გზის მშენებლობა ჯერ კიდევ 2020 წელს უნდა დასრულებულიყო.

ამავე თემაზე: 

როდის დასრულდება ხულო-გოდერძის გზაზე 4 კილომეტრის შეკეთება

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com