ნეტგაზეთი • RU

რა ღირს ქაფშია ბათუმის თევზის ბაზარში

ბათუმის თევზის ბაზარში რამდენიმე დღეა, რაც ქაფშია გამოჩნდა. ქაფშიას ფასი 5-10 ლარია. 5 ლარად ამ სახეობის პატარა ზომის თევზს იყიდით, 10 ლარად – მოზრდილს.

თევზით მოვაჭრეები ამბობენ, რომ წელს ქაფშია ბაზარზე ცოტაა, მომხმარებელი კი ამ სახეობის თევზს ბათუმში ბევრი ჰყავს.

მოვაჭრეების თქმით, ქაფშიას ფასი შეიძლება ყოველდღე სხვადასხვა იყოს, რადგან ამ თევზს ისინი ყოველდღე სხვადასხვა ფასად იბარებენ.

„ხან სამ ლარად ვიღებთ მეთევზეებისგან ქაფშიას, ხან შვიდ ლარად, როდის როგორ. დღეს შემოვიდა პირველად ქართველი მეთევზეებისგან ქაფშია, აქამდე თურქული ქაფშია შემოდიოდა ბაზარზე“, – ამბობს თევზით მოვაჭრე.

თევზით მოვაჭრე ბათუმის თევზის ბაზარში

თევზჭერაზე ლიცენზია საქართველოში 5 კომპანიას აქვს.

შავ ზღვაში 2022-2023 წლებში ქაფშიის მოსაპოვებელი კვოტა 85 000 ტონას შეადგენს.

2021-2022 წლებში ეს კვოტა 85 000 ტონა იყო.

2020-2021 წელს კი – 109 000 ტონა.

____

ამავე თემაზე:

თევზჭერის ბიზნესს ბიუჯეტიდან მილიონებს აძლევენ, ისინი კი „ოცნებას“ სწირავენ ფულს

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com