ბათუმში ქაფშიის სეზონი დაიწყო.
16 ნოემბრის მონაცემებით, ადგილობრივი მეთევზეების მიერ შავ ზღვაში დაჭერილი 1 კგ ქაფშია [ხამსა] 5 ლარი ღირს.
ბათუმის თევზის ბაზარში ასევე შეგიძლიათ იყიდოთ გარჩეული ქაფშია, კილოგრამი 10 ლარად.
თევზის ბაზარშივე გთავაზობენ გარჩეული თევზის შეწვას. 1 კილოგრამი ქაფშიას შეწვა აქ 6 ლარი ღირს.
ქაფშიის სეზონი გაზაფხულამდე გაგრძელდება. თევზის ამ სახეობას ბათუმში, ტრადიციულად, ბევრი მომხმარებელი ჰყავს.
ქაფშია ბათუმის ბაზრიდან
შავ ზღვაში 2022-2023 წლებში ქაფშიის მოსაპოვებელი კვოტა 85 000 ტონას შეადგენს.
