ნეტგაზეთი • RU

73 ვაკანსია – იუსტიციამ მოსამართლეებისთვის კონკურსი გამოაცხადა

იუსტიციის უმაღლესმა საბჭომ სააპელაციო და საქალაქო სასამართლოებში არსებულ ვაკანსიებზე კონკურსი გამოაცხადა. მოსამართლეებისთვის სულ 73 ვაკანსიაა.

ვაკანსიაა ბათუმის საქალაქო და ხელვაჩაურის რაიონულ სასამართლოებშიც. ბათუმში ქობულეთისთვის შეარჩევენ ერთ მაგისტრატ მოსამართლეს, ხელვაჩაურში კი თითო-თითო მაგისტრს – ქედისა და შუახევის მუნიციპალიტეტებისთვის.

„კონკურსში მონაწილეობისათვის საბუთების მიღება განხორციელდეს 2022 წლის 28 ნოემბრიდან 14 დეკემბრის ჩათვლით, კანონით დადგენილი წესის შესაბამისად,“ – აღნიშნულია იუსტიციის უმაღლესი საბჭოს განკარგულებაში.

სააპელაციო სასამართლოს მოსამართლის ჯამაგირი თვეში 5 ათასი ლარია, საქალაქო სასამართლოს მოსამართლის [მათ შორის, მაგისტრატის] ხელფასი კი – 4 ათასი ლარი. მოსამართლეები ასევე იღებენ დანამატებს.

უფლებადამცველები და მართლმსაჯულების სექტორში მომუშავე არასამთავრობო ორგანიზაციები აღნიშნავენ, რომ რეალურად სასამართლოს კლანი მართავს, ხოლო კონკურსი მოსამართლეებისთვის ფორმალურად ცხადდება. სასამართლოში კლანის არსებობას ადასტურებს საქართველოს სტრატეგიული პარტნიორიც – კლანზე საუბარია აშშ-ს სახელმწიფო დეპარტამენტის ანგარიშშიც.

____

ამ თემაზე:

უვადოდ – რა ძალა აქვს მოსამართლე „ჩინჩალაძის კლანს“

ნეტგაზეთის მასალების სხვა გამოცემებში გადაბეჭდვის წესი
ავტორი