ბათუმში 14 წლის გოგოზე ფიზიკური ძალადობის ბრალდებით მამა დააკავეს.
შვილზე ძალადობის შემთხვევა სავარაუდოდ გუშინ, 22 ნოემბერს, მოხდა.
„ბათუმელების“ ინფორმაციით, როცა მამამ გაიგო არასრულწლოვანი შვილის სქესობრივი კავშირის შესახებ, შვილს მიაყენა ფიზიკური შეურაცხყოფა. მამა ოჯახში ძალადობის მუხლით დააკავეს.
„გამოძიება ასევე დაწყებულია სექსუალური ხასიათის დანაშაულზეც“, – გვითხრეს შსს-ში.
უწყების ინფორმაციით, ამ დროისთვის სექსუალური ძალადობის ბრალდებით ჯერჯერობით არავინ დაუკავებიათ, „მიმდინარეობს გამოძიება“.
