ბათუმის ბიუჯეტის ცხრა თვის ანგარიშის მიხედვით, 2022 წელს ბიუჯეტში „სხვა შემოსავლების“ სახით 46 მილიონი ლარი შევიდა, აქედან 27 მილიონი ლარი, ნახევარზე მეტი, სათამაშო ბიზნესის მოსაკრებელია.
მათ შორის: სათამაშო აპარატებიდან ბიუჯეტში 12 მილიონ 822 800 ლარი შევიდა, წამახალისებელი გათამაშებიდან – 130 100 ლარი. სხვა არაკლასიფიცირებული სათამაშო ბიზნესის მოსაკრებლის სახით კი, ბიუჯეტში 14 მილიონ 052 100 ლარი შევიდა.
საერთო ჯამში „სხვა შემოსავლები“ აერთიანებს საკუთრებიდან, პროცენტებიდან, რენტის სახით და ასევე, ადმინისტრაციული მოსაკრებლის სახით ბიუჯეტში შესულ თანხას. აქვეა სანქციებისა და საურავების სახით დაკისრებული ჯარიმებიდან შემოსავლები.
___
2022 წელს, 9 თვეში, საკუთრებიდან ბათუმის ბიუჯეტში 6 მილიონი ლარი შევიდა, პროცენტებისა და რენტის სახით 6 მილიონ-ნახევარზე მეტი, ხოლო ადმინისტრაციული მოსაკრებლების სახით 30 მილიონზე მეტი ლარი შევიდა.
ხარჯვით ნაწილში ბიუჯეტი ვერ შესრულდა. ჩავარდნა ძირითადად ინფრასტრუქტურულ პროექტებშია. მიზეზად კი, მერიაში მიმწოდებელი კომპანიების მიერ ვალდებულებების ვერშესრულებას ასახელებენ. არის სხვა პრობლემებიც.
ბათუმის ბიუჯეტის ვერშესრულების ერთ-ერთი მიზეზი უამინდობაა, გასულ წელს პანდემია იყო
